Yohane 6:45 - Chipangano Chabwangu

⁴⁵ Abasoseshi balembele ati, ‘Abantu bonse bakwisa kusambilishiwa na Lesa.’ Uyo onse uukoumfwa ifyaku Bata nokusambilila kuli Ye ewisa kuli nebo.

Yohane 6:45 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Maliko 1:2

Bwatatikile ukubati nimfilya Esaya umusoseshi alembele ati, “Lesa akoti, ‘Umfwa, nkotuma intumi yanji pantanshi yobe, eyikoyisa kuwamya inshila yobe.’

Luka 1:70

Ukubati nimulya asosele kale, ukupitila mubasoseshi bakwe ababuta.

Luka 18:31

Yesu aitile abakusambila bakwe ikumi na babili pambali. Elo abasoseshe ati, “Boneni! Tukoya ku Yelusalemu uko fyonse fikoya kuchitika ifyalembele abasoseshi pamulandu wa Mwana wa Muntu.

Yohane 10:27

Mbelele shanji shilomfwa ishiwi lyanji, nandibo nalishishiba, nasho shilankonka.

Yohane 6:37

Bonse abo Bata bampela balesa kuli nebo. Onse uwisa kuli ne tanshimutamfyapo iyowo.

Yohane 6:65

Nakambi asosele ati, “Ngu emulandu wine namwebele ati takupo nangu umo uungesa kuli nebo, sembi Bata bamupela ifiso ifyakwisa kuli nebo.”

Imilimo ya batumwa 13:40

Kanshi chenjeleni ukuti icho abasoseshi basosele chiisa chitika kuli mwe,

Imilimo ya batumwa 7:42

Nomba Lesa abafutatile nokubapela ukuti balombe intandala shakumulu kubati fintu chalembwa Mumalembo abasoseshi ati, ‘Mwe bena Isilaeli! Napo mwalikupela kuli nebo inama nefipupo fyenu, pamyaka amakumi ane muchiswebebe?

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

Filipi 3:15

Nomba fwe bonse abafikapo pabumi bwesu ubwakumupashi, tulangulukile mumo. Nomba nga mulapusana mukulanguluka mufintu fimo, Lesa akumufisulwila.

1 Tesalonika 4:9

Ukusosa pafyakutemwana abena Klistu, tanshilingilepo nokumulembela pantu Lesa umwine amusambishe ifyo muli nokutemwana.

Hebele 10:16

“Nchi echipangano nakupanga nabo, munshiku ishikoyisa, efyo basosa Bashikulu Lesa. Nakubika amafunde anji mumitima yabo.”

1 Yohane 2:27

Lelo mwebo Klistu alimusuba no Mupashi Wabuta uyo uwayikala muli mwe. Pamulandu waku nchi, takufwayikapo umuntu nangu umo ukuti amusambishe. Umupashi Wabuta uyo mwasubwa wakulamusambisha fyonse. Fyonse ifyo akomusambisha fyachine nakambi tamuli ifyabufi iyowo. Echo kubati nimfilya amusambishe, mwikalilile muli Klistu.