Yohane 6:29 - Chipangano Chabwangu

²⁹ Yesu alibasukile ati. “Lesa afwaya ukuti muchetekele muli ngulya uwo atuma.”

Yohane 6:29 ပူးပေါင်းရင်းမြစ်များ

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Maliko 16:16

Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 5:39

Mulafwayilisha ifya Mumalembo Apatulika pantu mulanguluka ukwebati emo mwingasangamo ubumi butashila. Nga Malembo eapela bukamboni pali nebo.

Yohane 6:28

Epo balimufumbile ati, “Mba findo tungachita ukuti tubombe umulimo waku Lesa?”

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Yohane 6:57

Pakuti Bata abayikalilila ababumi ebantuma nebo, epo pamulandu waku Bo nandibo nalikalilila uwabumi. Munshila imo yenka, muntu onse uwakulya nebo akwisa kuba nobumi pamulandu wakunebo.

Imilimo ya batumwa 16:31

Nabo bamwasukile bati, “Chetekela muli Bashikulu Yesu, elo wakupuluka, webo nabamunanda yobe bonse.”

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

Hebele 5:9

Ulo ashilile umulimo wakwe alibele chibinda wachipulusho ichitapwapo kuli bo bonse abamumfwila.

Yemusi 2:22

Boneni ukuti ichichetekelo chakwe nemilimo fyalibombele pamo. Ukupitila mumulimo wakwe, ichichetekelo chakwe chalifikilepo.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

Ukufisulula 2:26

Onse uwakuchimfya nokulama imilimo yanji ukufikila nakumupwilo, nakumupela ubuleme ubwakuteka imishobo yonse iyabantu.