Yohane 6:27 - Chipangano Chabwangu

²⁷ Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Yohane 6:27 ပူးပေါင်းရင်းမြစ်များ

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 25:46

Elo bakuya mumachunshi aamuyayaya, kuntu abo abasekeshe Bashikulu bakwinjila mubumi butapwa.”

Mateyo 3:17

Elo ishiwi lyasosele ukufuma kumulu ati, “Ngu Emwana wanji uwatemwekwa, muli ye emo nkosekelela.”

Mateyo 6:19

“Muyibikilapo ububoni bwenu panonshi, apo finamupapila nendalabwa fyonaula, nabang’o nabo balatoba nokwiba.

Mateyo 8:20

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Maliko 1:11

Neshiwi lyafumine kumulu lyasosele ati, “Webo uli Mwana wanji uwatemwekwa. Muli we emo nkosekelela.”

Maliko 9:7

Elo kwayishile ikumbi nokubafimba, nakambi mwafumine neshiwi mukati kekumbi ilyasosele ati, “Ngu Mwana wanji uwatemwekwa, mumfweni!”

Luka 3:22

no Mupashi Wabuta wayikele pali Ye, uwapalile ukubati ninkunda. Neshiwi lyafumine kumulu ati, “Webo uli mwana wanji uwatemwekwa, muli webo nkosekelela.”

Luka 9:35

Elo mwafumine ishiwi mukati kekumbi ilyasosele ati, “Ngu Mwana wanji uwatemwekwa, uwo nasala, mumfweni!”

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 11:42

Nalishiba ukuti mulang’umfwa inshiku shonse, kuntu nasosa mfi pamulandu wabantu mba abali mpano, ukwebati bachetekele ukuti nimwe mwantumine.”

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 17:2

Ukubati nimulya mwamupela insambu pabantu bonse, ukuti bonse abo mwamupela abapele ubumi butashila.

Yohane 3:15

ukuti onse uwamuchetekela abe nobumi butapwa.

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Yohane 6:47

Nachine nkomweba ati, umuntu uwanchetekela ali nobumi butashila.

Yohane 6:51

Nine mufuba wabumi uwafuma kumulu. Kati muntu uuli onse aalya ngu mufuba, akwikalilila. Nakambi umufuba uyo nakumupela mubili wanji ukuti abantu bonse bamuchalo babe nobumi.”

Yohane 6:53

Elo Yesu asosele kuli bo ati, “Nachine nkomweba ati, kati mwebo tamukolyapo umubili wa Mwana wa Muntu nokunwa umulopa wakwe, tamwakabepo nobumi.

Yohane 6:54

Umuntu onse uwakulya umubili wanji nokunwa umulopa wanji akuba nobumi butashila, elo nakwisa kumubusha pakasuba kakumupwilo.

Yohane 6:58

Ngu emufuba uwafuma kumulu, taulipo ukubati mufuba uwo ifikolwe fyenu fyalile, elo fyalifwile. Uyo onse uwakulya ngu mufuba akuba nobumi butashila.”

Yohane 6:62

Nga chingaba shani ukubona Umwana wa Muntu akobwelela kumulu uko afumine?

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Yohane 8:18

Nebo nsosa ifyaku nebo, kuntu Bata abantumine ebashininkisha ifyanji.”

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Loma 4:11

Abulahamu alishilimunwa panuma ukuti chibe ichishibilo ichakulanga ukuti Lesa amubwene uwalungama pakuchetekela kwakwe. Nomba Abulahamu ewishibo bonse abachetekela Lesa, na Lesa alabapokelela nga abalungama nangula tabashilimunwapo.

Loma 6:23

Pakuti amalipilo abubi, nimfwa kuntu ichabupe chaku Lesa bumi butapwa muli Bashikulu Yesu Klistu.

1 Kolinto 6:13

Umbi naye kuti asosa ati, “Ichakulya chamumala, namumala mwachakulya.” Nangu chibe mfi, Lesa wakufyonaula fyonse fibili. Umubili tewakuchitilako ubuchende iyowo, wakubomfiwa mukupyungila Bashikulu. Echo Bashikulu ebene bamubili ngo.

1 Kolinto 9:2

Nangu tanshilipo umutumwa kuli bambi, kuntu kuli mwebo ndi mutumwa pakuti muli ichishibilo ichabutumwa bwanji muli Bashikulu.

2 Kolinto 4:18

Imitima yesu tayilipo pafintu ifiboneka, sembi pafitaboneka. Pakuba ifiboneka tafikalililapo, nomba ifitaboneka efyamuyayaya.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 2:22

Amafunde nemisambishisho nji yabantu bwaka, fisosa ifyafintu ifishila ulo bafibomfya!

Kolose 3:2

Bikeni imitima yenu pafintu ifili mumulu, tepafintupo ifyamuno chalo iyowo.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

Hebele 12:16

Chenjeleni ukuti kwibapo nangu umo uwakuba uwabulale-lale, nangula abakusuula ifyaku Lesa kubati ni Esau, uyo washitishe ububele bwakwe nechakulya chimo bwaka.

Hebele 4:11

Tweshe nomba ukupokelela ukutusha nku, ukutina ukuti nalimo umo kuti afilwa ukwinjila mukutusha nku pamulandu wakutachetekela.

Yemusi 1:11

Pakuti akasuba kalatula. Elo kalocha isani. Amaluba ayayiko aloma nokulukutila panshi. Ubune bwamaluba nga bulashila. Munshila imo yenka, umusambashi akushila ulo akopyunga umulimo wakwe.

1 Petulo 1:24

Amalembo asosa ati, “Abantu bonse bali kubati isani, umuchinshi wabo uli kubati maluba. Isani liloma, namaluba alalukutila panshi,

2 Petulo 1:17

Pakuba alipokelele umuchinshi nobuleme ukufuma kuli Lesa Bata ulo ishiwi lyafumine kuli Lesa uwabuleme nokusosa ati, “Ngu Mwana wanji uwatemwekwa, muli Ye emo mbekelamo.”