Yohane 6:14 - Chipangano Chabwangu

¹⁴ Pakubona ichafiso ifikulu icho Yesu achitile, abantu basosele ati, “Nachine ngu emusoseshi uwali nokwisa muno chalo.”

Yohane 6:14 ပူးပေါင်းရင်းမြစ်များ

Mateyo 11:3

Elo balimufumbile ati, “Napo niwe basosapo ati akwisa, nangula tuli nokulindila umbi?”

Mateyo 21:11

Amabumba akonkele Yesu ayasukile ati, “Ngu ni Yesu, musoseshi ngulya waku Nasaleti, umushi wamuchalo cha Galili.”

Luka 24:19

Yesu alibafumbile ati, “Fintu ndo?” Elo bayasukile ati, “Ifyo achitile nokusosa ayilangile ukwebati ali umusoseshi uwafiso, elo asekeshe Lesa nabantu bonse.

Luka 7:16

Elo abantu bonse balishimbilwe ukwinekantu. Epo batatikile ukuchinshika Lesa nokusosa ati, “Umusoseshi umukulu ayisa mukutandalila abantu bakwe!” Nakambi, “Lesa ayisa mukupulusha abantu bakwe.”

Yohane 1:21

Bamufumbile ati. “Mba niwe nani? Napo niwe Eliya?” Yohane ayasukile ati, “Iyowo, tenepo.” Bamufumbile ati, “Napo niwe umusoseshi?” Ayasukile ati, “Iyowo.”

Yohane 11:27

Malita aasukile ati, “Ina, Bashikulu. Nkochetekela ukuti mwebo nimwe Uwasubwa, Umwana waku Lesa, uyo uwakwisa panonshi.”

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 4:19

Umwanakashi asosele ati, “We mfumu, nayishiba ukuti uli musoseshi.

Yohane 4:25

Umwanakashi asosele ati, “Nalishiba ukuti Uwasubwa waku Lesa akwisa. Ulo Ye akwisa, akutubusha ifintu fyonse.”

Yohane 4:42

Epo basosele kumwanakashi ati, “Twachetekela nomba, tepamulandu wakuli mfilya ifyo watubusha, kuntu pantu twayumfwila fwebene. Elo twayishiba ukuti nachine ngu Mupulushi wachalo.”

Yohane 6:2

Ibumba ilikulu ilyabantu lyalimukonkele pantu babwene ifyafiso ifikulu ifyo achitile mukuposha abalwele.

Yohane 6:26

Yesu alibasukile ati, “Nachine nkomweba ati, mukomfwaya pamulandu wakuti mwalilile imifuba nokwikuta, tepamulandupo wakweba ati mwalyumfwile bwino ifyafiso ifikulu.

Yohane 6:30

Elo balimwasukile ati, “Mba chafiso ifikulu ndo wakuchita ichakuti tubone nokukuchetekela? Mulimo ndo wakuchita?

Yohane 7:40

Bambi abantu ulo baumfwile amashiwi nga, basosele ati, “Ngu muntu chine-chine musoseshi.”

Imilimo ya batumwa 7:37

Engu enka uwaebele abena Isilaeli ati, ‘Lesa akwimya umo muli mwebo ukuba umusoseshi kubati ninebo.’