Yohane 6:11 - Chipangano Chabwangu

¹¹ Elo Yesu abulile imifuba, alombele kuli Lesa, nokwakanya abantu mbalya abayikele mpalya. Achitile mumo mwenka nenswi. Elo abantu bonse balilile nokwikuta.

Yohane 6:11 ပူးပေါင်းရင်းမြစ်များ

Mateyo 15:36

Abulile imifuba isano na ibili notuswi nokutotela kuli Lesa. Elo asunawile imifuba nokupela abakusambila bakwe ukuti balumbe kubantu. Nabo efyo bachitile.

Luka 24:30

Alikele nokulya nabo. Abulile umufuba, alomba aushukisha, ausuna nokubapela.

Yohane 21:10

Elo Yesu asosele ati, “Leteni inswi shimo isho mwayipaya.”

Yohane 21:13

Yesu abulile umufuba nokubapela ukuti balye. Achitile mumo mwenka nenswi.

Yohane 21:9

Ulo bafumine mumenshi nokuya pamulundu, babwene inswi ishakocha shili pamulilo wamafyanga nomufuba pambali.

Yohane 6:23

Amato ambi aafumine ku Tibeliyasi, ayishile pachabu apepi napachifulo apo ibumba ilikulu lyalilile imifuba, ulo Bashikulu balombele kuli Lesa.

Yohane 6:9

“Kuno tulipo nomulumbwana uukwete imifuba isano iyaku tiligu nenswi shibili. Nomba tekuti tukumanepo kubantu bonse mba.”

Imilimo ya batumwa 27:35

Ulo ashilile ukusosa mfi, Paulo apintile umufuba nokulomba kuli Lesa. Elo ausunawile kalya bonse bakololesha.

Loma 14:6

Uyo onse uulangulukila ukuchinshinka akasuba kamo akochita mfi mukuchinshika Bashikulu. Na uyo onse uulya akantu akali konse akochita mfi mukuchinshika Bashikulu, pakuti akochinshika Lesa pamulandu wapafyakulya. Elo uyo uulya fimo-fimo, alachita mfi mukuchinshika nokutondayisha Lesa.

1 Kolinto 10:31

Echo nga mukolya, ukunwa nangu ulo mukochita ichili chonse, mufichite mukuchinshika Lesa.

1 Tesalonika 5:18

Mulokutotela lonse. Mfi efyo Lesa akofwaya ukuti muchite muli Klistu Yesu.