Yohane 5:44 - Chipangano Chabwangu

⁴⁴ Mwebo mulapokelela ukutondayisha ukufuma kubanenu, kuntu tamupokelelapo ukutondayisha ukufuma kuli Lesa. Nga kuti mwanchetekela shani?

Yohane 5:44 ပူးပေါင်းရင်းမြစ်များ

Mateyo 23:5

Balabomba imilimo yabo yonse ukuti babonwe kubantu. Balayibwenesha ulo bakusha apalembwa Amalembo aku Lesa awo bafwala pampumi napamaboko yabo. Elo balakusha insenkebele kuminjila yabo.

Luka 19:17

Imfumu yamwebele ati, ‘Wachita bwino, we mupyungi uuweme! Apo uli uwachetekelwa patunini, nkokubika ukuti ube kateka wamishi ikumi.’

Yohane 12:43

Batemenwe ukuchinshikwa nabantu ukuchila ukuchinshikwa na Lesa.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 3:20

Muntu onse uuchita ububi ewapata ukusanika, pantu tafwayapo imilimo yakwe iibi ukuti iboneke kubantu.

Yohane 5:41

“Nebo nshikofwayapo ukutondayisha ukufuma kubantu.

Yohane 8:43

Mba nindo mutomfwilapo ifyo nsosa? Mulandu wakuti tamukwetepo ifiso ifyakumfwa amashiwi anji.

Loma 2:10

Nomba Lesa akupela ubukata, umuchinshi nomutende kuli bonse abachita ifiweme, ukwambila ku Bayuda elo nakubenafyalo.

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 10:18

Pakuba umuntu uupokololwa, tengulyapo uyichitila bukamboni iyowo, kuntu uwo Bashikulu bapela bukamboni.

Filipi 2:3

Mwilokuchitapo chintu nomutima uwakuyitemwa nangu uwakuyitutumuna iyowo. Beni abakuyichefya kuli umo nomunakwe. Elo uuli onse abone abanakwe nga abamuchilile.

1 Tesalonika 2:6

Elo tatwalikufwayapo umuchinshi ukufuma kubantu nangu kuli mwebo nangu kubantu bambi.

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

Hebele 3:12

Mwe bawesu muchenjele ukuti kwibapo nangu umo muli mwe uwamutima uubi uutachetekelapo uyo uwingamutalushako kuli Lesa wabumi.

Yemusi 2:1

Mwe bawesu, pakuti mulachetekela muli Bashikulu Yesu Klistu ababuleme, mwikwatapo akapatulula.

1 Petulo 1:7

Kubati golide, nangu ulaonayika, uleshekwa nomulilo. Munshila imo yenka, ichichetekelo chenu, ichachilapo pali golide, chileshekwa ukubona ati nga chinenene. Elo bakumutondayisha, bakumupela umuchinshi nobuleme ulo Yesu akuboneka.

Yuda 1:25

Lesa uwaba umo bwaka, uutulubwila muli Yesu Klistu Imfumu yesu, eye akwate ubuleme, umuchinshi, ifiso nensambu, ukufuma bwaka kukale nomuyayaya. Ameni.