Yohane 5:39 - Chipangano Chabwangu

³⁹ Mulafwayilisha ifya Mumalembo Apatulika pantu mulanguluka ukwebati emo mwingasangamo ubumi butashila. Nga Malembo eapela bukamboni pali nebo.

Yohane 5:39 ပူးပေါင်းရင်းမြစ်များ

Mateyo 22:29

Elo Yesu alibasukile ati, “Mwaliluba pantu tamwayishiba Amalembo aku Lesa nangula ifiso fyakwe.

Maliko 10:3

Yesu alibasukile ati, “Lifunde ndo ilyo Mosesi amupele?”

Maliko 12:10

Napo tamwapendapo Mumalembo ukuti, ‘Ibwe ndilya abakwimaka basulile, elyayishile kuba ilinenene ilyapachimfuntu.

Luka 16:29

“Nomba Abulahamu asosele ati, ‘Bawenu bangapenda ifyo Mosesi nabasoseshi balembele, mulokufyumfwila.’

Luka 16:31

Nomba Abulahamu asosele ati, ‘Kati tabakomfwepo kuli Mosesi nabasoseshi, tabaye kuchetekelapo nangu umo uwamubafwa abuka nokuya kuli bo.’”

Luka 24:25

Yesu asosele kuli bo ati, “Mwebo mwalipunama, tamuchetekelapo bwangu fyonse ifyo abasoseshi basosele!

Luka 24:27

Echo Yesu abalondolwelele nefyakwe ifyasoselwe mu Malembo Apatulika, ukutatikila mumabuku alembele Mosesi nokufikila naku Malembo onse aabasoseshi.

Luka 24:44

Elo asosele kuli bo ati, “Mfi efyo namwebele ulo nali nenu. Fyonse ifyalembwa ifyaku nebo mu Mafunde, nefyalembwa nabasoseshi, nefya Malumbo fyakwisa kuchitika.”

Yohane 1:45

Filipo naye asangile Natanayeli nokumweba ati, “Twamusanga uwo Mosesi alembele mwibuku lya Mafunde, nabasoseshi nabo balimulembele. Ni Yesu waku Nasaleti, mwana Yosefe.”

Yohane 5:32

Nomba ekwali umbi uwaba imboni yanji, nakambi nalishiba ukuti bukamboni bwakwe bwachine.

Yohane 5:36

Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Yohane 5:40

Elo tamufwayapo ukwisa kuli nebo ukuti mube nobumi butashilapo.

Yohane 5:46

Kati mwebo mwachetekela Mosesi mukwebesha, nga mwalinchetekela pakuti ifyo Mosesi alembele fyaku nebo.

Yohane 7:52

Nabo balimwasukile ati, “Kanshi nawebo uli mwina Galili? Upende bwino Malembo Apatulika. Wakusanga ukwebati takupo umusoseshi nangu umo uwafuma ku Galili.” [

Imilimo ya batumwa 13:27

Pakuba abena Yelusalemu nabachilolo wabo tabayishibilepo ukuti Yesu e Mupulushi. Tabayibukishe amashiwi abasoseshi awo bapenda pa Masabata onse. Ulo bapele umulandu Yesu uwakufwa, bachitile kubati nifyo abasoseshi basosele.

Imilimo ya batumwa 17:11

Abantu baku Beleya bali nemitima yakumfwisha ukuchila abakumusumba wa Tesalonika. Mba bena balikufwayisha ukumfwisha amashiwi nemitima yabo yonse. Elo balikupitulukamo Mumalembo aku Lesa ukuti bashininkishe ifyalikusosa Paulo kati fyachine.

Imilimo ya batumwa 26:27

Ba mfumu Agilipa, napo mulachetekela amashiwi yabasoseshi? Nalishiba ukuti mulayachetekela!”

Loma 1:2

Ubutumi mbu Lesa abulayile akale ukupitila mubasoseshi bakwe. Elo bwalembelwe mu Malembo Aabuta.

Loma 3:2

Nachine finji tungasangamo mukuba Abayuda. Pakutatika Lesa apele ubutumi bwakwe kuli bo.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

Hebele 11:16

Nomba tukobona ukuti balikufwaya ichalo chimbi ichiweme ukuchilapo. Ichalo chakumulu. Echo Lesa tabomfwilapo insoni ukuba Lesa wabo, pakuti ewabemakile umushi.

Hebele 11:35

Namuchichetekelo abanakashi balipokelele abomi abantu babo bo abafwile. Elo bambi abachetekela balikuchushiwa ukufika nakumfwa. Tabalikufwayapo ukufuma muchifungo pamulandu wakufwaya ukwisa buka nobumi ubwinenene ubwachilapo.

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.