Yohane 5:37 - Chipangano Chabwangu

³⁷ Elo Bata abantuma bakopela bukamboni pali nebo. Mwebo tamwaumfwapo Ishiwi lyakwe iyowo, nangu ukubona ichinso chakwe.

Yohane 5:37 ပူးပေါင်းရင်းမြစ်များ

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 3:17

Elo ishiwi lyasosele ukufuma kumulu ati, “Ngu Emwana wanji uwatemwekwa, muli ye emo nkosekelela.”

Maliko 1:11

Neshiwi lyafumine kumulu lyasosele ati, “Webo uli Mwana wanji uwatemwekwa. Muli we emo nkosekelela.”

Luka 24:27

Echo Yesu abalondolwelele nefyakwe ifyasoselwe mu Malembo Apatulika, ukutatikila mumabuku alembele Mosesi nokufikila naku Malembo onse aabasoseshi.

Luka 3:22

no Mupashi Wabuta wayikele pali Ye, uwapalile ukubati ninkunda. Neshiwi lyafumine kumulu ati, “Webo uli mwana wanji uwatemwekwa, muli webo nkosekelela.”

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 14:9

Yesu alimwasukile ati, “Nayikala namwe inshita iitali, kuntu webo Filipo taulanjishibapo? Uyo onse uwabona nebo abona na Bata. Mulandu ndo waebela ati, ‘Tulangeni Bashinwe?’

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 5:32

Nomba ekwali umbi uwaba imboni yanji, nakambi nalishiba ukuti bukamboni bwakwe bwachine.

Yohane 6:27

Mulokubombelapo ifilyo ifyonayika, kuntu bombeleni ifyakubelelela mubumi butashilapo. Mfi efilyo Umwana wa Muntu akwisa kumupela, pantu ewo Lesa Bata basuminisha.”

Yohane 8:18

Nebo nsosa ifyaku nebo, kuntu Bata abantumine ebashininkisha ifyanji.”

1 Timoti 1:17

Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.

1 Timoti 6:16

Ngu enka tafwapo iyowo, elo ayikala mulubuto ulo umuntu umbi atangapalaminako. Nakale takupo uwamubwene nowingamubonapo iyowo. Kuli Ye kube umuchinshi nefiso umuyayaya. Ameni.

1 Yohane 4:12

Tapapo uwabona Lesa iyowo, kuntu nga twatemwana ekuti Lesa aba muli fwebo, nokutemwa kwakwe kwaba ukwafikapo muli fwe.

1 Yohane 4:20

Umuntu nga asosa ati nalitemwa Lesa, kuntu apata wakwe, wabufi. Kuti atemwa shani Lesa uwo tabonapo nokupata wabo?

1 Yohane 5:9

Fwebo tulachetekela bukamboni bwabantu, kuntu bukamboni bwaku Lesa bwena bwalichilapo. Bukamboni mbu ebo Lesa apela pa Mwana wakwe.