Yohane 5:36 - Chipangano Chabwangu

³⁶ Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Yohane 5:36 ပူးပေါင်းရင်းမြစ်များ

Mateyo 11:4

Elo Yesu ayasukile abatuminwe ati, “Bwelelenimo mukamushimikileko Yohane ifyo mwaumfwa nokubona:

Luka 2:49

Yesu alibasukile ati, “Mba findo mwalikumfwayila? Kanshi tamwayishibilepo ukuti nebo ndi nokuba munanda yaku Bata?”

Yohane 10:25

Yesu alibasukile ati, “Ndimubushishe kale, kuntu tamukochetekelapo. Imilimo iyo nchita mwishina lyaku Bata, eyimfisulula.

Yohane 11:37

Nomba bambi basosele ati, “Ngu muntu ewaposeshe mpofu. Napo nga takenyepo Lasalo ukuti efwa?”

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 17:4

Nalimuchinshika muno chalo pakushilisha umulimo uwo mwampele ukuchita.

Yohane 2:23

Inshita Yesu ali mu Yelusalemu, munshiku sha Chakulya Chakuchilila abantu abenji balichetekele muli Ye pakubona ifyafiso ifikulu ifyo Ye achitile.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 3:2

Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Yohane 5:32

Nomba ekwali umbi uwaba imboni yanji, nakambi nalishiba ukuti bukamboni bwakwe bwachine.

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

1 Yohane 5:9

Fwebo tulachetekela bukamboni bwabantu, kuntu bukamboni bwaku Lesa bwena bwalichilapo. Bukamboni mbu ebo Lesa apela pa Mwana wakwe.