Yohane 5:3 - Chipangano Chabwangu

³ Munsaka imo emwali kulala abalwele abenji, abalinga impofu, abalemana nabafungauka amaboko namolu. [Mba bonse bali kulindilila ukufundaulwa kwamenshi muchishiba.

Yohane 5:3 ပူးပေါင်းရင်းမြစ်များ

Mateyo 15:30

Amabumba aakulu abantu ayile kuli Ye. Amutwalile abantu abalemene, impofu, bachibulu nabalwele bambi abenji, balikubabika apali Yesu. Naye alikubaposha.

Mateyo 4:24

Ululumbi lwakwe lwalitulikile muchalo chonse icha Siliya. Elo abantu batwite kuli Yesu bonse abalikulwala amalwele aapusene-pusene, abayiketwe imipashi iibi, abachinkoni-nkoni, nababulebe, bonse kabaposha.

Luka 7:22

Elo ayasukile abatuminwe ati, “Bwelelenimo mukamushimikileko Yohane ifyo mwabona nokumfwa: impofu shikobona, abalemana bakoyenda, abafyona bakopola, bankoma-matwi bakoumfwa, abafwa nabo bakobuka, nabachula bakoshimikilwa Ubutumi Bwawama.

Yohane 5:2

Kumbali ya Mulyango Wambelele mu Yelusalemu kwali ichishiba ichalikwitwa Muchihebele ati Betesaida. Uko kwali nensaka shisano.

Yohane 5:4

Pakuba munshita shimbi umungelo waku Lesa alikuya muchishiba mukufundaula amenshi. Umulwele onse uwabalilapo ukuchilukila muchishiba ulo amenshi afundayikile, ewalikupola kubulwele bonse ubo ali nabo.]

Loma 8:25

Elo nga tukolindila icho tatulabonapo tulingile ukulindila nomutima-tenka.

Yemusi 5:7

Mwe bawesu, tekenipo imitima ukufika pakasuba ulo Bashikulu bakabwela. Boneni ifyo umulimi achita! Alalindila ukuti imbuto shiboneke mulibala lyakwe. Alateka umutima ukufikila apo yamashula-nyense neyankunta-nsoke yaloka.