Yohane 5:25 - Chipangano Chabwangu

²⁵ Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 5:25 ပူးပေါင်းရင်းမြစ်များ

Luka 15:24

Pantu ngu mwana wanji alifwile, kuntu nomba ali uwabumi, alilubile, kuntu nomba asangwa.’ Elo nomba batatikile ukulya nokusekelela.

Luka 15:32

Nomba tulingile ukulya nokusekelela pakuti wenu ngu alifwile, kuntu nomba ali nobumi, alilubile, nomba alisangilwe.’”

Luka 9:60

Nomba Yesu alimwasukile ati, “Leka abafwa balokushika abafwa banabo. Nomba webo koya bwaka mukubila imbila ya bufumu bwaku Lesa.”

Yohane 13:1

Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 17:1

Ulo Yesu ashilile ukusosa amashiwi ngalya, aloleshe kumulu nokusosa ati, “Bata, inshita yafika. Chinshikeni Umwana wenu, ukuti naye amuchinshike.

Yohane 4:21

Yesu asosele ati, “We mwanakashi, nachine inshita yakwisa apo abantu tabayise kulombelapo Bata muli ndu lupili nangu mu Yelusalemu.

Yohane 4:23

Nomba inshita ikoyisa, nanomba ilifikile kale, ulo abamulomba mukwebesha bakalomba Bata kufiso fyaku Mupashi Wabuta ukubati niumo afwayila. Ukulomba ukwinenene uko Bata bafwaya.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 5:28

Mwilenga mushimbwe pali nchi, inshita ikoyisa ulo abafwa bonse bakwisa kumfwa ishiwi lyakwe.

Yohane 6:60

Abenji abamubakusambila bakwe ulo baumfwile nga mashiwi, basosele ati, “Nku kusambisha kwakosa ukwinekantu. Mba ninani uwingakumfwa?”

Yohane 8:43

Mba nindo mutomfwilapo ifyo nsosa? Mulandu wakuti tamukwetepo ifiso ifyakumfwa amashiwi anji.

Yohane 8:47

Umuntu onse uwaku Lesa omfwa amashiwi aku Lesa. Nomba mwebo icho mutomfwila, tamuli bantu baku Lesa iyowo.”

Yohane 9:27

Elo abasukile ati, “Ndimwebele kale, kuntu tamukofwayapo ukumfwa. Mulandu ndo mukofwaya ukumfwa nakambi? Napo namwe mukofwaya ukuba abakusambila bakwe?”

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

Efeso 2:1

Akale mwebo mwali abafwa pamulandu wakutanakilapo nobubi bwenu.

Efeso 2:5

Nangu twalifwile pamulandu wamabifyo esu, kuntu alitupele ubumi pamo na Klistu. Mwapulushiwe kubwanshi ubukulu bwaku Lesa.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Ukufisulula 3:1

“Uutangilila ichilonganino chaku Sadisi umulembele: “Nga mashiwi aafuma kuli uyo uwakwata Imipashi yaku Lesa isano na ibili nentandala shisano na shibili. Ye akoti, Nalishiba imilimo yobe. Elo walishibikwa ukuba wabumi, kuntu walifwa kale.