Yohane 5:22 - Chipangano Chabwangu

²² Bawishi tabapingulapo umuntu nangu umo, kuntu bapela Umwana insambu shonse ishakupingula

Yohane 5:22 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 16:27

Pantu Umwana wa Muntu akwisa nabangelo bakwe mubuleme bwaku Wishi. Elo akwisa kupela umuntu umo-umo ukulingana nemilimo yakwe iyo achita.

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Yohane 17:2

Ukubati nimulya mwamupela insambu pabantu bonse, ukuti bonse abo mwamupela abapele ubumi butashila.

Yohane 3:35

Bawishi balimutemwesha Umwana wabo. Echo balibika ifintu fyonse mufiso fyakwe.

Yohane 5:27

Elo alipela Umwana insambu shabupingushi, pantu ye Mwana wa Muntu.

Yohane 9:39

Elo Yesu asosele ati, “Nayisa muno chalo mukupingula ukuti impofu shilokubona nakambi nambalya abakobona baaluke impofu.”

Imilimo ya batumwa 10:42

Nakambi Yesu atwebele ukusambisha Ubutumi Bwawama kubantu ukubeba ati eye Lesa asala ukuti abe kapingula wabantu abomi nabafwa.

Imilimo ya batumwa 17:31

Pantu Lesa alipekanya kale akasuba akupingwilamo abantu bonse abamuno chalo mumulinganya ukupitila mumuntu uyo asontele. Lesa alangile kubantu bonse ukuti eye asala ulo amubushishe kubafwa.”

Loma 2:16

Echo nomba, ukulingana no Butumi Bwawama ubo mbilisha, mfi efyo chakwisa kuba muli nkalya kasuba ulo Lesa, ukupitila muli Yesu Klistu, akwisa kupingula ifyamubumfishi fyonse ifyaba mumitima yabo.

2 Kolinto 5:10

Pakuba fwe bonse twakuya kubonekela pachinso chaku Klistu ukuti akatupingule. Kwenka nkulya uuli onse akupokelela ifimulingile, ukulingana nefyo achitile panonshi, ifiweme nangula ifibipile.

2 Timoti 4:1

Pachinso chaku Lesa nechaku Klistu Yesu uyo uwakupingula abomi nabafwa, nkokukonkobesha, pamulandu wakwisa kwaku Klistu napabufumu bwakwe, ukuti

1 Petulo 4:5

Mba bantu bakwisa londolola benka umulandu wabo kuli Lesa, uwayipekanya ukulubulwisha abomi nabafwa.