Yohane 5:20 - Chipangano Chabwangu

²⁰ Pakuti Bawishi balitemwa Umwana, elo balamulanga ifintu ifyo Bo bachita. Elo akwisa kumulanga ifintu ifikulu ukuchila pali mfi, epo mwebo bonse mwakwisa kushimbwa ukwinekantu.

Yohane 5:20 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 3:17

Elo ishiwi lyasosele ukufuma kumulu ati, “Ngu Emwana wanji uwatemwekwa, muli ye emo nkosekelela.”

Mateyo 4:8

Nakambi Satana atwite Yesu palupili ulutali nokumulanga amabufumu onse aamuchalo chonse nomuchinshi waako.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 10:32

Elo Yesu asosele ati, “Nebo nchitile imilimo iinji iyawama pamenso enu iyo Bata bampele ukuchita. Pali nji yonse, mba niwisa uwo mukofwayilapo ukundashilapo amabwe?”

Yohane 14:12

Nachine nkomweba ati, uyo onse uwachetekela muli nebo akwisa kuchita imilimo iyo nebo nkochita. Ina, akwisa kuchita imilimo iikulu nokuchishapo, pantu nkoya kuli Bata.

Yohane 15:15

Lelo nshikomwita mwebo ababomfi, pakuti umubomfi teshibapo ifyo shikulu wakwe akochita. Nomba nkomwita mwebo ifibusa fyanji, pakuti fyonse ifyo naumfwa kuli Bata nalimubushishe.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 3:35

Bawishi balimutemwesha Umwana wabo. Echo balibika ifintu fyonse mufiso fyakwe.

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 5:29

Elo bakwisa kufuma mumanda shabo, kuntu bo abalikuchita bwino bakwisa kubuka nokuba nobumi ubutashila, nambalya abalikuchita ububi bakwisa kubuka nokupingulwa.

2 Petulo 1:17

Pakuba alipokelele umuchinshi nobuleme ukufuma kuli Lesa Bata ulo ishiwi lyafumine kuli Lesa uwabuleme nokusosa ati, “Ngu Mwana wanji uwatemwekwa, muli Ye emo mbekelamo.”