Yohane 4:6 - Chipangano Chabwangu

⁶ Kuchifulo uko kwali ichishima chakwa Yakobe. Pakuti Yesu alikatele palwendo, ayikele pambali yachishima. Chali kubati akasuba pakati kamutwi.

Yohane 4:6 ပူးပေါင်းရင်းမြစ်များ

Mateyo 27:45

Nomba ulo akasuba kafikile pa 12 koloko, imfinshi yafimbile ichalo chonse ukufika panshita ya 3 koloko wachungulo.

Mateyo 4:2

Panuma yanshiku amakumi ane, akasuba nobushiku, ukwambula ukulya, Yesu aliumfwile insala.

Mateyo 8:24

Elo kwabukile ichipupu ichikulu muli bemba, ichakuti amatamba alikwinjila mubwato. Nomba Yesu ali mutulo.

Luka 2:7

Maliya alifyele umwana umwalalume nokumupomba munsalu. Amulalikile muchililo chang’ombe pakuti munanda yabalwendo tamwalipo chifulo chakulalamo.

Luka 9:58

Elo Yesu amwasukile ati, “Bamumbwe balikwata imimba, nefyuni nafyo fyaliba nefinsa, kuntu Umwana wa Muntu takwatapo napakusamina umutwi.”

Yohane 11:9

Yesu abasukile ati, “Kanshi mukasuba tamwaba maoola ikumi na abili? Umuntu onse uwenda mukasuba tekuti ayitutulepo, pantu akasuba kakosanika.

Yohane 4:12

Ichikolwe chesu Yakobe ewatupele nchi chishima, umwine nabana bakwe nefitekwa fyakwe emo balikunwa. Napo webo kuti wayilinga ukuba umukulu ukuchila Yakobe?”

Yohane 4:5

Ulo ali mu Samaliya, afikile kumushi umo uwitwa Sika, apepi nebala ilyo Yakobe apele umwana wakwe Yosefe.

Yohane 4:7

Elo umwanakashi umwina Samaliya ayishile mukutapa amenshi. Yesu asosele kuli ye ati, “Mpelako amenshi aakunwa.” (

2 Kolinto 8:9

Pakuba mwalishiba ubwanshi bwaku Bashikulu wesu Yesu Klistu. Nangu bali abachindami, bayishile kuba abachula pamulandu wenu, ukwebati mukuchula kwabo, mwebo mube abachindami.

Hebele 2:17

Nchi chikoyalula ukuti ayalukile kubati bawakwe pali fyonse, ukuti abe Chipupila Mukulu wankumbu nechichetekelo pakupyungila Lesa nokufuta amabifyo ayabantu.

Hebele 4:15

Twalikwatapo Chipupila Mukulu uyo uutumfwilako inkumbu mukunaka kwesu. Chipupila wesu ngu alyeshekelwe munshila shonse kubati nimfilya nafwe twayeshekelwe, kuntu Ye tabifishepo.