Yohane 4:53 - Chipangano Chabwangu

⁵³ Elo bawishi balibwishe ukuti nji enshita iyo Yesu abebele ati, “Umwana obe alipolele.” Ulo afikile bwaka, Ye nabamunanda yakwe bonse, balichetekele.

Yohane 4:53 ပူးပေါင်းရင်းမြစ်များ

Mateyo 8:13

Ulo Yesu ashilile ukusosa mfi, aebele umukulu wabashilikali ati, “Koya, chichitike kubati nimo wachetekela.” Penka panshita njilya, umubomfi wakwe alipolele.

Luka 19:9

Elo Yesu amwebele ati, “Nkano kasuba ipusukilo lili muli njino nanda, pantu ngu muntu, naye mwana wakwa Abulahamu.

Yohane 4:51

Ulo achili munshila, akumenye abapyungi bakwe abamwebele ati, “Umulumbwana obe alipolele.”

Yohane 4:52

Elo Ye abafumbile ati, “Ninshita ndo umwana atatikile ukubako bwino?” Nabo balimwasukile ati, “Nimayilo mukalila-mumbwe elo apolele.”

Imilimo ya batumwa 11:14

Ewakwisa kukweba amashiwi akukupulusha webo pamo nabamunanda yobe yonse.’

Imilimo ya batumwa 16:15

Elo Lidiya nolupwa lwakwe balibatishiwe. Panuma asosele kuli fwebo ati, “Kati mwashininkisha ukuti nandibo nkochetekela muli Bashikulu, tulokuya mwikale kumwesu.” Elo twayile nakwe kumwakwe.

Imilimo ya batumwa 16:34

Panuma malonda atwite Paulo na Sailasi kunanda yakwe nokubapela ifyakulya. Elo ena pamo nabamunanda yakwe basekelele ukwinekantu pantu nomba balichetekela muli Lesa.

Imilimo ya batumwa 18:8

Elo umwalalume uwalikwitwa Kilisipasi, umukulu wananda yakulombelamo Lesa, naye alichetekele muli Bashikulu pamo nabamunanda yakwe bonse. Ulo abena Kolinto abenji baumfwile ukusambisha kwakwa Paulo, balichetekele nabenji balibatishiwe.

Imilimo ya batumwa 2:39

Pakuba nimwe Lesa alayile pamo nabana benu, nabantu bonse ababa ukutali naabo Lesa akwita.