Yohane 4:46 - Chipangano Chabwangu

⁴⁶ Epo Yesu alibwelelemo kumushi wa Kana waku Galili, uko asangwile amenshi ukuba waini. Elo kwali chilolo wabuteko uwali nomwana wakwe umwalalume uwalikulwala mu Kapenaumu.

Yohane 4:46 ပူးပေါင်းရင်းမြစ်များ

Mateyo 15:22

Elo kwayishile umwanakashi umwina Kenani uwalikwikala nkulya. Alibilikishe ati, “Mwe Bashikulu mwana Davide, nkwatileni inkumbu. Umwana wanji umwanansungu ali nemipashi iibi iinji.”

Mateyo 4:13

Tayikelepo mu Nasaleti, kuntu ayile kwikala mu Kapenaumu, umushi wamululamba lwaku Bemba wa Galili, mumipaka ya Sebuloni na Nafutali.

Mateyo 9:18

Ulo Yesu alikusosa mfi, kwayishile umukulu wananda yakulombelamo Lesa, nokumufukamina nokuti, “Umwana wanji umwanansungu afwa lwenka nduno. Nomba katiyeni ukabike amaboko obe pali ye ukuti abe nobumi.”

Luka 4:23

Yesu asosele kuli bo, “Ina nchi chebo mwakwisa kusosa kuli ne ukuti, ‘We ng’anga, iposhe wemwine!’ Nakambi mwakwisa kulabila ati, ‘Chita munomushi mumyenu ifyo twaumfwile wachitile ku Kapenaumu.’”

Luka 7:2

Umukulu uwabashilikali umo bachi Loma, alikwete umubomfi uwo atemenwe ukwinekantu. Umubomfi ngu ali alilwele mupepi nokufwa.

Luka 8:42

pakuti akwete umwana umo umwanakashi uwamyaka ikumi na ibili, uwali apepi nokufwa. Pakuya Yesu, abantu abenji abafumine mumbali shonse balimushingulukile nokumufininkisha.

Yohane 2:12

Panuma yaku mfi, Yesu nabanyina, bawakwe nabakusambila bakwe bayile ku Kapenaumu nokwikalako nkulya inshiku shinini bwaka.

Yohane 21:2

Simoni Petulo, Tomasi (Uyo uwalikwitwa Mpundu), na Natanayeli (uyo uwafumine ku Kana waku Galili), nabana baku Sebedi, nabambi babili abakusambila baku Yesu, bali pamo bonse.