Yohane 4:34 - Chipangano Chabwangu

³⁴ Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Yohane 4:34 ပူးပေါင်းရင်းမြစ်များ

Mateyo 26:39

Ulo Yesu aendeleko panini akatalamukila awile panshi ubwifuneme, nokulomba ati, “Bata, kati kuti chalinga, fumyenipo ndu lunkombo ulwabuchushi. Nangu chibe mfi, kwiba kubati kufwaya kwanji iyowo, kuntu ukufwaya kwenu eko kuchitike.”

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Mateyo 9:19

Penkapo, Yesu alimine, nabakusambila bakwe balimukonkele.

Luka 15:10

Munshila imo yenka nkomweba ati, abangelo baku Lesa bakuba nokusekelela pambifi imo yenka iyalapila!”

Luka 19:10

Pakuti Umwana wa Muntu ayishile mukufwaya nokupulusha abaluba.”

Luka 2:49

Yesu alibasukile ati, “Mba findo mwalikumfwayila? Kanshi tamwayishibilepo ukuti nebo ndi nokuba munanda yaku Bata?”

Yohane 17:4

Nalimuchinshika muno chalo pakushilisha umulimo uwo mwampele ukuchita.

Yohane 19:28

Panuma ya mfi, Yesu alishibile ukuti fintu fyonse fyapwa, asosele ati, “Ndi nechilaka.” (Asosele mfi ukuti Amalembo afikilishiwe.)

Yohane 19:30

Ulo Yesu anwene waini asosele ati, “Kwashila.” Elo ayinamikile umutwi wakwe nokufwa.

Yohane 4:32

Nomba alibasukile ati, “Ndikwete ichakulya icho mwebo muteshibilepo.”

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 5:36

Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Yohane 6:33

Pakuti umufuba waku Lesa, ningulya uwayika kumulu ukwisa kupela ubumi bwakwe kuchalo.”

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Yohane 8:29

Uyo uwantuma aba pamo nanebo, tanshabapo nenka iyowo pantu lonse nchita ifimusekesha.”

Imilimo ya batumwa 20:35

Nalimulangilila muli fyonse ukuti mukupyungisha nefiso tufwile ukwafwa bo abatakwetepo ifiso. Ulo tulechita mfi, tufwile kwibukisha amashiwi aku Bashikulu Yesu uwasosele umwine ati, ‘Mukupela emwaba ishuko ukuchila mukupokelela.’”

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.