Yohane 4:21 - Chipangano Chabwangu

²¹ Yesu asosele ati, “We mwanakashi, nachine inshita yakwisa apo abantu tabayise kulombelapo Bata muli ndu lupili nangu mu Yelusalemu.

Yohane 4:21 ပူးပေါင်းရင်းမြစ်များ

Mateyo 18:20

Pantu uko abantu babili nangu batatu balongana mwishina lyanji, nandibo ndi pakati kabo.”

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Luka 21:24

Bambi bakwisa kwipayiwa nemyele yankondo, bambi bakwisa kupintwa ubusha mufyalo fyonse. Abenafyalo bakunyantaula Yelusalemu ukufikila apo inshita yabo yakukumanina.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 16:2

Bakumufutwila kunse yamananda yakulombelamo Lesa. Mwandi inshita ikoyisa iyakuti abantu bakamwipaya nokulanguluka ukuti emo bakobombela Lesa imilimo iiweme.

Yohane 16:32

Inshita ikoyisa, nanomba ilifikile kale, ulo mwakwisa kupalangana nokuya kumwenu-mwenu. Elo nakushala nenka. Nangu chakuba mfi, tanshakabepo nenka pakuti Bata bali nandibo.

Yohane 4:23

Nomba inshita ikoyisa, nanomba ilifikile kale, ulo abamulomba mukwebesha bakalomba Bata kufiso fyaku Mupashi Wabuta ukubati niumo afwayila. Ukulomba ukwinenene uko Bata bafwaya.

Yohane 5:25

Nachine nkomweba ati, inshita ikoyisa, nanomba ilifikile kale, ulo abafwa bakwisa kumfwa ishiwi lya Mwana waku Lesa, nambalya bonse abakolyumfwa bakubukila kubumi.

Yohane 5:28

Mwilenga mushimbwe pali nchi, inshita ikoyisa ulo abafwa bonse bakwisa kumfwa ishiwi lyakwe.

Imilimo ya batumwa 6:14

Twalimumfwile ulo alikusosa ati uyo Yesu waku Nasaleti akonaula nji nanda yaku Lesa nokwalula utufuto uto Mosesi atupele!”

Efeso 2:18

Pakuti muli Klistu fwebo bonse, Abayuda nabenafyalo, twingafika kuli Bata mu Mupashi Wabuta umo epela.

Efeso 3:14

Pamulandu wamfi nkofukamina Bata,

1 Timoti 2:8

Nkofwaya ukuti lonse ulo mwalongana abalalume balokwimya amaboko abo pakulomba. Balokuchita mfi mukupela umuchinshi kuli Lesa ukwambula ukukalipa nangula ukutalika.

1 Petulo 1:17

Lesa takwatapo akapatulula. Alapingula chila muntu ukulingana nefyo achitile. Kati mukomwita ati Bata, mupeleni umuchinshi inshita shonse muli abeni panonshi.

Ukufisulula 21:22

Tanshabwenepo inanda yaku Lesa mumusumba ngu pakuti Bashikulu Uwafiso fyonse no Mwana wambelele enanda yango.