Yohane 3:3 - Chipangano Chabwangu

³ Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Yohane 3:3 ပူးပေါင်းရင်းမြစ်များ

Mateyo 16:17

Pakwasuka Yesu amwebele ati, “Walishuka Simoni mwana Yona, pantu temuntupo uwakufisulwila nchi iyowo, kuntu ni Bata bakumulu.

Mateyo 19:24

Echo chaliba ichayanguka ingamila ukupula mulinso lyakashinje ukuchila umusambashi ukwinjila mu Bufumu bwaku Lesa.”

Mateyo 21:31

Nomba ninani pali mba bana uwachitile ifyalikufwaya wishi?” Nabo bayasukile ati, “Wakwamba.” Yesu epakubeba ati, “Nachine nkomweba ati, abamisonko nabachende bakumutanjilila pakwinjila mubufumu bwaku Lesa.

Mateyo 5:18

Nachine nkomweba ati, umulu nechalo afitalashila, tapakonayikepo akalembo nangu kamo akalitoni mu Mafunde aku Lesa ukufikila ulo fyonse fyakuchitika.

Maliko 10:14

Ulo Yesu abwene mfi, alikalipile nokuti kubakusambila bakwe, “Lekeni abana banini bese kuli nebo, mwibakanyapo, pakuti Ubufumu bwakumulu bwaku bo abali nga mba.

Maliko 9:47

Nakambi kati ilinso lyobe lilakulenga ukubifya, lilobolemo. Chawama ukwinjila mu Bufumu bwaku Lesa nelinso limo ukuchila ukuposwa mumulilo utashimapo namenso abili.

Yohane 1:13

Ukuba abana baku Lesa takwafuminepo kubafyashi babo, nangula mukufwaya kwamuntu iyowo, kuntu bafyelwe mufiso fyaku Lesa.

Yohane 1:5

Nku Kusanika kusanikila mumfinshi, epo nemfinshi tekuti ikushimyepo.

Yohane 1:51

Epo asosele nakambi kuli bo ati, “Nachine, mwakwisa kubona umulu wayisuka nabangelo baku Lesa bakonina nokwikila pa Mwana wa Muntu.”

Yohane 12:40

“Lesa abapofwisha amenso abo, nokwisala amano abo, ukuti amenso ebona, namano abo beumfwa, ukuti beyalukila kuli nebo, ukweba ati nandibo mbaposhe.”

Yohane 3:4

Nikodemasi alimufumbile ati, “Mba muntu umukulu kuti afyalwa shani libili? Nachine tekuti enjilepo mwifumo lyakubanyina nokufyalwa nakambi!”

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Galatiya 6:15

Temulandupo ukushilimunwa nangu ukutashilimunwa, ichikulu chakuti umuntu asanguke uwabwangu.

Efeso 2:1

Akale mwebo mwali abafwa pamulandu wakutanakilapo nobubi bwenu.

Taitasi 3:5

alitulubwile. Tepamulandu iyamilimo iiweme iyo twachitile iyowo, kuntu nimunkumbu shakwe. Alitulubula pakutusamba ukutupela ukufyalwa kwabwangu nobumi bwabwangu ukupitila mu Mupashi Wabuta.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Yohane 2:29

Kubati nimfilya mwishibile ukuti Klistu aba uwaololoka, ekuti onse uuchita ifyaololoka Mwana waku Lesa.

1 Yohane 3:9

Umuntu onse uwaba umwana waku Lesa, tatwalililapo ukubifya pantu imibele yaku Lesa yaba muli ye. Pakuti Lesa ewishi, tekuti atwalililepo ukubifya.

1 Yohane 5:1

Umuntu onse uuchetekela ukuti Yesu e Wasubwa waku Lesa, mwana waku Lesa. Na ye watemwa Bawishi alitemwa no Mwana wabo.

1 Yohane 5:18

Twalishiba ukuti Umwana waku Lesa tatwalililapo ukubifya. Pakuba Yesu, Mwana waku Lesa, alamulama bwino, no Mubi tekuti amuchitepo kantu.

1 Yohane 5:4

Pakuba umwana waku Lesa onse alachimfya ifyamuno chalo. Icho tuchimfishako ifyapanonse chichetekelo.

Ukufisulula 3:14

“Uutangilila ichilonganino chaku Lawodisiya umulembele: “Nga mashiwi aafuma kuli Ameni, kamboni uwabuchetekelo nechine. Entulo iyafibumbwa fyonse ifyaku Lesa.