Yohane 3:2 - Chipangano Chabwangu

² Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Yohane 3:2 ပူးပေါင်းရင်းမြစ်များ

Mateyo 22:16

Bamutumine abakusambila babo, elo nebumba lyakwa Helodi ukuya kumufumba ati, “We musambishi, twalishiba ukuti uli wachine nakambi usambisha ifyachine. Elo tautinapo muntu nangu umo, pakuba tawakwatapo akapatulula kubantu.

Mateyo 23:7

Bafwaya ukubapela umutende wamuchinshi mufisanke kubantu nokubeta ati, ‘Abasambishi.’

Mateyo 23:8

Nomba mwe tamulingilepo ukwitwa ‘Abasambishi’ iyowo, pantu mulikwete umusambishi umo mpo, namwe bonse muli banankashi.

Maliko 12:14

Ulo bafikile kuli Yesu, balikumusosha bati, “We musambishi, twalishiba ukuti uli wachine. Elo tautinapo umuntu nangu umo, pakuba tawakwatapo akapatulula kubantu. Nakambi ulasambisha fyachine ifyo Lesa afwaya. Nomba twebeko, napo fwebo tulingile ukusonka umusonko kuli Kayisale nangula iyowo? Napo tulokusonka nangula iyowo?”

Yohane 1:38

Yesu alyalukile nokubona bakomukonka, alibafumbile ati, “Mba findo mukofwaya?” Balimwasukile ati, “Rabbi, nikwisa mwikala?” “Rabbi” (ekweba ati, “Musambishi.”)

Yohane 10:38

Nomba nga nkoyichita, nangu kati tamukonchetekelapo, chetekeleni milimo iyo nkobomba. Elo mwakwishiba ukuti Bata baba muli nebo, nandibo naba muli Bata.”

Yohane 12:37

Nangu Yesu achitile mfi fishibilo ifyafiso ifikulu pamenso abo, tabachetekelepo muli Ye.

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 15:24

Nga nshachitilepo milimo iyishachitwapo kale nomuntu, nga tabakwata ukubifya. Nangu baliibona imilimo yanji, kuntu balimpata nebo pamo na Bata.

Yohane 2:11

Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 20:16

Yesu asosele nakwe ati, “Maliya!” Alyalukile Maliya, asosele ati, “Laboni!” (Nchi Chihebele ichikoyalula ati, “Musambishi.”)

Yohane 3:26

Elo bayile kuli Yohane nokumweba ati, “We musambishi, napo ukomwibukisha ngulya muntu uwali nawebo kumutule-suba wa Yodani, ngulya uwo mwasoselepo? Naye nomba akobatisha, nakambi abantu abenji bakoya kuli ye.”

Yohane 4:31

Muli njilya nshita, abakusambila balikumupapatila Yesu ukuti alye.

Yohane 5:36

Nomba ndikwete bukamboni ubukulu ukuchila ubo Yohane Mubatishi amupele. Boneni nebo nkobomba imilimo iyo Bata bampele. Nji milimo eyilanga ukwebati Bata ebantumine.

Yohane 6:2

Ibumba ilikulu ilyabantu lyalimukonkele pantu babwene ifyafiso ifikulu ifyo achitile mukuposha abalwele.

Yohane 7:31

Nangu chali mfi, abantu abenji balichetekele. Elo basosele ati, “Kati Uwasubwa ayisa, napo akwisa kuchita imilimo iyafiso ifikulu ukuchila ngu muntu?”

Yohane 9:16

Bambi abamu Bafalisi basosele ati, “Umuntu ngu uukochita mfi tafumapo kuli Lesa iyowo, pantu tasungapo Amafunde akasuba ke Sabata.” Nomba bambi nabo basosele ati, “Mba umuntu imbifi kuti achita shani imilimo iyafiso ifikulu nga nji?” Elo mwali ukulekana mukati kabo.

Imilimo ya batumwa 10:38

Mwalishiba nefyaku Yesu waku Nasaleti, ifyo Lesa amusubile no Mupashi Wabuta nokumupela fiso. Pakuti Lesa ali naye aendele konse-konse, alikuchita imilimo iiweme nokuposha bonse abali kuchunshiwa kuli Satana.

Imilimo ya batumwa 2:22

“Mwe bena Isilaeli bananji, umfweni amashiwi anji. Yesu waku Nasaleti ali muntu uwo Lesa abweneshe ukuti eye asala. Nchi achibweneshe ukupitila mufiso ifikulu ifyakushimbwisha nefishibilo ifyo Lesa achitile muli Ye. Nokwishiba mwebene mwalishiba pantu fyalikuchitika pali mwebo.

Filipi 1:14

Nomba pamulandu wakuti ndimuchifungo, bawesu abenji balishipile imitima ukuchetekela kale muli Bashikulu, elo bakobilisha Amashiwi aku Lesa ukwambula umwenso.