Yohane 3:18 - Chipangano Chabwangu

¹⁸ Uyo onse uwakuchetekela mu Mwana takopingulwapo, kuntu uyo onse uutachetekela ye apingulwa kale, pantu tachetekelapo mu Mwana umo enka waku Lesa.

Yohane 3:18 ပူးပေါင်းရင်းမြစ်များ

Maliko 16:16

Uwasumina nokubatishiwa akupuluka, kuntu uwakukana ukusumina, akoyisa kupingulwa nokuya mukuchushiwa.

Yohane 1:12

Nomba abo abamupokelele nokumuchetekela, alibapele ifiso ifyakuba abana baku Lesa.

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Yohane 6:47

Nachine nkomweba ati, umuntu uwanchetekela ali nobumi butashila.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 8:1

Nomba kuli bo abachetekela muli Klistu Yesu takupo umulandu.

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Hebele 12:25

Echo chenjeleni ukuti mwilokukanapo ukumfwila uyo usosa kuli mwebo. Abena Isilaeli tabapulukilepo mpalya bakene ukumfwila Lesa ulo abachenjeshe panonshi. Nomba fwebo kuti twapuluka shani nga twafutatila uyo ukososa ukufuma kumulu?

Hebele 2:3

Nomba fwe twakupuluka shani nga tukosuula amashiwi aakulu mfi ayakutupulusha? Bashikulu abene ebatatikile ukusosa pafya kupuluka nku. Elo bo abaumfwileko amashiwi nga, balishininkisha ukuti yachine.

Hebele 3:19

Echo twabona ukuti tabayinjilemo pakuti tabalikuchetekelapo iyowo.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Yohane 4:9

Lesa atuboneshe ukutemwa kwakwe akwata pali fwebo ulo atumine Umwana wakwe umofye mpo muno chalo ukuti twingakwata ubumi ukupitila muli Ye.

1 Yohane 5:10

Umuntu onse uwachetekela mu Mwana waku Lesa ewakwata bukamboni mbu. Onse uutachetekela, alenga Lesa ukuba uwabufi pantu tachetekelepo bukamboni ubo Lesa apela pa Mwana wakwe.

1 Yohane 5:12

Umuntu onse uukwete ngu Mwana alinabo mbu ubumi, kuntu onse uutakwetepo Umwana waku Lesa, takwetepo nambu bumi.