Yohane 3:16 - Chipangano Chabwangu

¹⁶ Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 3:16 ပူးပေါင်းရင်းမြစ်များ

Mateyo 9:13

Kamuya mukasambilile ifyo asosa Amalembo aku Lesa ati, ‘Nkofwaya ichisa, te chipupopo chanama iyowo.’ Tanshayisapo mukwita abaololoka imitima, sembi imbifi.”

Maliko 12:6

Nowashelepo ukutuma mwana wakwe umwalalume uyo atemenwe ukwinekantu. Pakulekelesha eye atumineko kuli bo nokusosa ati, ‘Nachine Umwana wanji bakoya kumuchinshika.’

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 1:29

Pakasuba kakonkelepo, Yohane Mubatishi abwene Yesu akoyisa kuli Ye. Elo asosele ati, “Boneni, ngulya e Mwana Wambelele waku Lesa uupinta amabifyo abantu bonse!

Yohane 10:28

Elo ndashipela ubumi butashila. Tashakafwepo nakambi takupo uwingashipokolola kuli ne.

Yohane 3:15

ukuti onse uwamuchetekela abe nobumi butapwa.

Yohane 3:18

Uyo onse uwakuchetekela mu Mwana takopingulwapo, kuntu uyo onse uutachetekela ye apingulwa kale, pantu tachetekelapo mu Mwana umo enka waku Lesa.

Yohane 3:36

Uyo onse uuchetekela mu Mwana aliba nobumi ubutapwa, kuntu onse uutachetekelapo Umwana tayise kuba nobumi, kuntu ubukali bwaku Lesa bwakwikalililapo pali ye.

Yohane 6:40

Pakuti icho Bata bafwaya chakuti uyo onse uwabona Mwana nokumuchetekela abe nobumi butashila. Elo nebo nakumubusha pakasuba kakumupwilo.”

Loma 5:10

Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Loma 5:8

Nomba Lesa alitulanga ifyo atutemwa ichakuti ulo twali mbifi Klistu atufwilile.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

Efeso 2:4

Nomba Lesa wankumbu ukwinekantu nakambi alitutemwa ukuchilapo.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

Taitasi 3:4

Nomba ulo ichisa nokutemwa kwaku Lesa Mupulushi wesu kwafisulwilwe,

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 4:19

Twalitemwa pakuti Lesa ewatatikile ukututemwa.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.