Yohane 3:12 - Chipangano Chabwangu

¹² Mwebo tamukochetekelapo ulo nkomweba fintu fyamuchalo, nga mwakuchetekela shani ulo ningamubusha ifintu fyakumulu?

Yohane 3:12 ပူးပေါင်းရင်းမြစ်များ

Yohane 3:11

Nachine nkokweba ati, fwebo tusosa icho twayishiba nokweba abantu icho twabona. Nomba takupo nangu umo muli mwe uukofwaya ukupokelela amashiwi esu.

Yohane 3:3

Yesu alimwasukile ati, “Nachine nkokweba ati, nga muntu tafyelwepo libili tekuti enjilepo mu Bufumu bwaku Lesa.”

Yohane 3:5

Yesu alimwasukile ati, “Nachine nkokweba ati, nga muntu tafyelwepo kumenshi naku Mupashi Wabuta tekuti enjilepo mu Bufumu bwaku Lesa.

Yohane 3:8

Chili munshila imo yenka kuli bo abakofyalwa ku Mupashi Wabuta.” Umwela ulapupa nokuya uko ufwaya. Mwebo mulomfwa ichiunda chauko bwaka, kuntu tamwishibapo uko ufuma noko uya.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Hebele 5:11

Tuli nafyo ifinji ifyakuti twingasosapo pali mfi, kuntu fikateshe ukumulondolwela pakuti muli abakosa imitwi.

1 Yohane 4:10

Nku ekutemwa kwachine. Tekwebapo ati Lesa twalimutemenwe iyowo, kuntu ewatutemenwe nokutuma Umwana wakwe ukwebati afute amabifyo esu.