Yohane 21:9 - Chipangano Chabwangu

⁹ Ulo bafumine mumenshi nokuya pamulundu, babwene inswi ishakocha shili pamulilo wamafyanga nomufuba pambali.

Yohane 21:9 ပူးပေါင်းရင်းမြစ်များ

Mateyo 4:11

Elo Satana alimushile Yesu, nabangelo balishile nokumupyungila.

Maliko 8:3

Nga nati mbaleke babwelelemo nensala kwabo, kuti bafwa ulushile munshila pantu bambi bafumine ukutali.”

Yohane 18:18

Ababomfi nabashilikali bakoseshe umulilo wamafyanga nokonta pakuba kwali impepo. Petulo naye ali nabo pamo.

Yohane 21:10

Elo Yesu asosele ati, “Leteni inswi shimo isho mwayipaya.”

Yohane 21:13

Yesu abulile umufuba nokubapela ukuti balye. Achitile mumo mwenka nenswi.

Yohane 21:8

Abakusambila bambi bayishile kumulundu mubwato uku balekula isumbu umwayiwile inswi. Bali bwaka apepi nakumulundu nangula amatabi umwanda umo.

Yohane 6:11

Elo Yesu abulile imifuba, alombele kuli Lesa, nokwakanya abantu mbalya abayikele mpalya. Achitile mumo mwenka nenswi. Elo abantu bonse balilile nokwikuta.

Yohane 6:9

“Kuno tulipo nomulumbwana uukwete imifuba isano iyaku tiligu nenswi shibili. Nomba tekuti tukumanepo kubantu bonse mba.”