Yohane 21:17 - Chipangano Chabwangu

¹⁷ Inshita iyachitatu, Yesu amufumba nakambi ati, “Simoni, mwana Yohane, napo walintemwa?” Petulo abele nechikonko pantu Yesu amufumbile nomba umuku wabutatu ati, “Napo walintemwa?” Epo naye aasukile ati, “Bashikulu, mwebo mwayishiba ifintu fyonse. Mwalishiba ukuti nalimutemwa!” Yesu amwebele ati, “Lisha imbelele shanji.

Yohane 21:17 ပူးပေါင်းရင်းမြစ်များ

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Maliko 14:72

Tambala alililile nenshita iyakulenga shibili. Elo Petulo ayibukishe ifyo Yesu asosele ati, “Ulo tambala atalalila imiku ibili, akunkana imiku itatu.” Elo Petulo afumine panse nokulila ukwinekantu.

Yohane 12:8

Abachula mwalikuli nabo lonse, kuntu tamwalokulipo nandibo lonse iyowo.”

Yohane 13:38

Yesu alyasukile ati, “Kanshi webo uliyiteyenye ukufwila nebo? Nachine nkokweba ati, tambala atalalila bwenka mbuno bushiku, ukoyisa kunkana imiku itatu.

Yohane 14:15

“Nga mwalintemwa mwakulama amafunde anji.

Yohane 15:10

Nga mukolama amafunde anji, mwakwikala mukutemwa kwanji, kubati nimulya nalamine amafunde aku Bata nokwikala mukutemwa kwabo.

Yohane 16:30

Nomba twayishiba ukuti mwalishiba fyonse, tachikofwayikwapo ukuti umuntu amufumbepo. Echo twasumina ukuti mwafumine kuli Lesa.”

Yohane 18:27

Nakambi Petulo alikene. Bwangu-bwangu tambala alililile.

Yohane 18:4

Pantu Yesu alishibile kabela ifikoyisa kumuchitikila, alibakumenye, abafumba ati, “Ninani mukofwaya?”

Yohane 21:18

Nachine nkokweba ati, ulo wali umulumbwana, walikwifwika wemwine nokuya konse walikufwaya ukuya, kuntu ulo wakukota, wakwisa kutambulula amaboko obe, umuntu umbi akwisa kukukaka nokukutwala uko utakofwayapo.” (

Yohane 4:16

Elo Yesu amwebele ati, “Koya kete umulume obe, nokubwela nakwe.”

Imilimo ya batumwa 1:24

Elo balombele ati, “Mwe Mfumu, mwebo mwalishiba imitima yabantu bonse. Kanshi tulangeni uyo mwasalapo pali mba babili

Imilimo ya batumwa 11:10

Nchi chachitikile inshita shitatu. Elo pakulekelesha nechisalu chasumbwilwe ukuya kumulu.

Imilimo ya batumwa 15:8

Elo Lesa uwayishiba imitima yabantu, ayilangile ukuti abenafyalo nabo alabapokelela ulo abapela Mupashi Wabuta ukubati nimfilya aupele kuli fwebo.

2 Kolinto 1:12

Icho tukoyitutumwinapo chakuti imitima yesu ikotusuminisha ukwambula ukutwishika ukwebati ukuli konse uko twapita, nokuchilapo pakati kenu, Lesa alitupela ubumi ubutalipo ubwabunkalwe. Ubumi mbulya tabwalipo pamulandu wamulangwe wabantu iyowo, kuntu nipabwanshi bwaku Lesa.

Efeso 4:30

Elo mwiumfwishapo ubulanda Umupashi Wabuta uwaku Lesa pakuti echishibilo chenu ukuti mwebo muli baku Lesa pabushiku ubo Lesa akupulusha abantu.

1 Petulo 1:6

Mfi fimusangalashe nangu mumfwe ukufinya nomba ulo mukoyeshekwa munshila shapusana-pusana pakanshita kanini.

2 Petulo 3:1

Mwe batemwekwa, kalata nji nkomulembela yachibili. Mumakalata onse abili nga nkofwaya ukumwibukisha ukuti mulokulanguluka ifyachine mfi fyonse.

Ukufisulula 2:23

Nakulofya abana bakwe. Elo ifilonganino fyonse fyakwishiba ukuti ninebo uwayishiba ifyamumitima namalangulushi yabantu. Echo nkalambula umuntu nomuntu pamilimo yakwe.

Ukufisulula 3:19

Bonse natemwa ndabakalipila nokubachusha. Nomba uchinchile nokulapila.