Yohane 21:14 - Chipangano Chabwangu

¹⁴ Nji yali nomba enshita yachitatu iyo Yesu ayilangile kubakusambila panuma yakubuka kubafwa.

Yohane 21:14 ပူးပေါင်းရင်းမြစ်များ

Maliko 16:12

Panuma Yesu abonekele mumusango umbi kubakusambila bambi babili, ulo balikuya mumishi.

Maliko 16:14

Panuma Yesu abonekele kubakusambila bakwe ikumi na umo ulo bali pakulya. Alikubebaula pamulandu wakutasumina nokutomfwa kwabo. Pakuti tabasumine ifyo baebelwe kubabalilepo ukubona Yesu ulo abukile kubafwa.

Yohane 20:19

Kwatile ukuba ichungulo, pali mbulya bushiku bwakwamba ubwa Mulungu, ninshi nefiseko fyananda filiselwe umwalongene abakusambila pamulandu wakutina abakulu ba Bayuda. Yesu alishile nokwimakana mukati kabo. Elo asosele ati, “Umutende ube namwebo.”

Yohane 20:26

Nomba papitilepo ishiku shisano nashitatu. Abakusambila baku Yesu bali munanda mwenka mulya nakambi, na Tomasi emo ali. Ifiseko fyaliselwe. Yesu ayimakene pakati kabo nokusosa ati, “Mutende ube namwebo.”

Yohane 21:1

Panuma yamfi, Yesu abwenekele nakambi kubakusambila bakwe kuli Bemba wa Tibeliyasi. Mfi efyo ayilangile.

Imilimo ya batumwa 1:3

Panuma yakufwa nokubuka, aliilangile kuli bo munshila shapusana-pusana. Abonekele kuli bo nokusosa nabo ifyabumi bwaku Lesa munshiku amakumi ane.