Yohane 21:12 - Chipangano Chabwangu

¹² Yesu asosele kuli bo ati, “Iseni mwikule.” Takupo nangu umo uwabakusambila uwafumbile ati, “Niwe nani?” Pantu balishibile ati ni Bashikulu.

Yohane 21:12 ပူးပေါင်းရင်းမြစ်များ

Mateyo 22:46

Tapalipo nangu umo uwapamine ukumwasuka ishiwi nangu limo iyowo. Ukufumu pali nkalya kasuba, tapalipo nangu umo uwamufumbile amafumbo nayambi.

Maliko 9:32

Nomba bo tabayishibilepo umwalolele nchi chebo. Echo balitinine ukumufumba.

Luka 9:45

Nomba tabayishibilepo umo nchi chalolele. Chali ichafisama kuli bo ukuti bangachumfwa, nakambi balikutina ukufumba Yesu pali nchi.

Yohane 16:19

Yesu alishibile ukuti bafwayile ukumufumba. Elo asosele kuli bo ati, “Nasosele ati, ‘Pakanshita kanini tamwayise kumbonapo, nakambi akapitapo akanshita kanini mwakwisa kumbona.’ Napo nchi echo mukofumbashanyapo?

Yohane 21:11

Elo Simoni Petulo achilukile mubwato nokufumya isumbu umo umwali inswi ishikulu shenka-shenka. Shonse pamo shali umwanda umo namakumi asano nashitatu. Nangu inswi shafulile mfi, kuntu isumbu talyalepukilepo iyowo.

Yohane 21:15

Panuma yakulya Yesu asosele kuli Petulo ati, “Simoni mwana Yohane, napo walintemwa ukuchila mba?” Simoni alyasukile ati, “Ina Bashikulu, mwebo mwalishiba ati nalimutemwa.” Elo Yesu amwebele ati, “Lisha twana twambelele shanji.”

Yohane 4:27

Penka pali njilya nshita, abakusambila baku Yesu balibwelele. Elo balishimbilwe ukwinekantu ulo basangile Yesu akososhanya nomwanakashi. Nomba tapalipo nangu umo mubaku bo uwasosele kumwanakashi ati, “Findo ukofwaya?” Nangula ukufumba Yesu ati, “Mulandu ndo mukososhanya nangu mwanakashi?”

Imilimo ya batumwa 10:41

Elo tabwenekelepo kubantu bonse iyowo, kuntu kuli fwebo bakamboni abo Lesa asalile kale. Fwebo abali kulya naye ulo Lesa amubushishe kubafwa.