Yohane 20:27 - Chipangano Chabwangu

²⁷ Elo asosele kuli Tomasi ati, “Bika umunwe obe mpa, lolesha nakumaboko anji wishibe ukuti ninebo. Tambulula ukuboko kobe wikate pachitumba chanji ukuti wikayikapo, kuntu uchetekele bwaka!”

Yohane 20:27 ပူးပေါင်းရင်းမြစ်များ

Mateyo 17:17

Yesu alibasukile ati, “Mama wesu ee, mwe nkulo iibipile neyitachetekelapo! Kanshi nakwikala nenu ukufika lwisa? Nkoshipikisha nenu ukufika lwisa? Temulandupo, letenipo umulumbwana kuli ne!”

Maliko 9:19

Yesu alibasukile ati, “Mwe bantu batachetekela! Kanshi mukofwaya njikale nenu inshita yalepa shani? Nkoshipikisha nenu inshita yalepa shani? Temulandupo, muleteni umulumbwana kuli nebo!”

Luka 24:39

Boneni amaboko namakasa anji, nokwishiba ati ninebo nenka. Njikateni nakambi mwakwishiba, pantu ichipuku tachabapo iminofu namafupa ngefyo mubwene nkwete.”

Luka 24:40

Ulo asosele mfi, abalangile amaboko namakasa akwe.

Luka 9:41

Yesu alibasukile ati, “Mama wesu ee, mwe nkulo iitachetekela neyakulufyanya? Nakwikala nenu ukufika lwisa? Nkoshipikisha nenu ukufika lwisa? Temulandupo, leteni umulumbwana kuli nebo!”

Yohane 20:20

Pakusosa mfi, alibalangile amaboko akwe nechitumba chakwe. Elo abakusambila balisekelele pakubona Bashikulu.

Yohane 20:25

Elo abakusambila banakwe balisosele nakwe bati, “Twababona Bashikulu!” Nomba ye asosele ati, “Nga nshabonepo ifipunda ifyamisumali mumaboko abo, nokubika umunwe wanji mufipunda ifyamisumali nokubika ukuboko kwanji kuchitumba chakwe, nshachetekelepo iyowo.”

Yohane 20:28

Tomasi alimwasukile ati, “Mwe Shikulu wanji, na Lesa wanji!”

Loma 5:20

Amafunde aletelwe ukuti abantu beshibe ubwinji bwabubi bwabo. Ulo ukubifya kwafulile, ubwanshi bwaku Lesa nabo bwalifulile ukuchilapo.