Yohane 20:25 - Chipangano Chabwangu

²⁵ Elo abakusambila banakwe balisosele nakwe bati, “Twababona Bashikulu!” Nomba ye asosele ati, “Nga nshabonepo ifipunda ifyamisumali mumaboko abo, nokubika umunwe wanji mufipunda ifyamisumali nokubika ukuboko kwanji kuchitumba chakwe, nshachetekelepo iyowo.”

Yohane 20:25 ပူးပေါင်းရင်းမြစ်များ

Mateyo 27:42

“Alikupulusha bambi, nomba chamukanga ukuyipulusha umwine! Nimfumu yabena Isilaeli, kayike pamutashi nafwe tukomuchetekela!

Maliko 16:11

Nabo pakumfwa ukuti Yesu ali uwabumi, nokuti Maliya ye abonana nakwe, balikene ukusumina.

Maliko 16:13

Nomba nabo balibwelelemo nokuya kushimikilako abanabo. Nangu babebele, abanabo balikene ukusumina.

Maliko 16:14

Panuma Yesu abonekele kubakusambila bakwe ikumi na umo ulo bali pakulya. Alikubebaula pamulandu wakutasumina nokutomfwa kwabo. Pakuti tabasumine ifyo baebelwe kubabalilepo ukubona Yesu ulo abukile kubafwa.

Luka 24:25

Yesu asosele kuli bo ati, “Mwebo mwalipunama, tamuchetekelapo bwangu fyonse ifyo abasoseshi basosele!

Yohane 1:41

Bwangu-bwangu asangile wabo Simoni, nokumweba ati, “Twamusanga Uwasubwa waku Lesa.” (Ndi shina lyaalula ati Klistu.)

Yohane 20:27

Elo asosele kuli Tomasi ati, “Bika umunwe obe mpa, lolesha nakumaboko anji wishibe ukuti ninebo. Tambulula ukuboko kobe wikate pachitumba chanji ukuti wikayikapo, kuntu uchetekele bwaka!”

Yohane 21:7

Penkapo uwakusambila uwo Yesu atemenwe asosele kuli Petulo ati, “Ni Bashikulu!” Ulo Petulo aumfwile ati ni Bashikulu, abulile ilaya lyakwe nokufwala. (Pakuba alifulile amalaya pamulandu wamulimo.) Ulo ashilile ukufwala, achilukile mumenshi.

Yohane 6:30

Elo balimwasukile ati, “Mba chafiso ifikulu ndo wakuchita ichakuti tubone nokukuchetekela? Mulimo ndo wakuchita?

Hebele 3:12

Mwe bawesu muchenjele ukuti kwibapo nangu umo muli mwe uwamutima uubi uutachetekelapo uyo uwingamutalushako kuli Lesa wabumi.

Hebele 3:18

Ulo alapile mubukali ati, “Tabakenjilemo muchifulo chanji ichabutusho,” nibani alikweba? Napo tembalya abamwalukile alikusosapo?