Yohane 20:21 - Chipangano Chabwangu

²¹ Yesu asosele nabo nakambi ati, “Mutende ube namwebo. Ukubati nimfilya Bata bantumine, nandibo nkomutuma mwebo.”

Yohane 20:21 ပူးပေါင်းရင်းမြစ်များ

Mateyo 10:16

“Umfweni! Nkomutuma ukubati nimbelele pakati kamimbulu. Echo chenjeleni kubati ninsoka nakambi mufuke imitima kubati ninkunda.

Mateyo 10:40

“Onse uwapokelela mwebo, nine apokelela. Elo onse uwampokelela ekwebati apokelela na Bata abantumine.

Luka 24:36

Ulo mbalya babili bachili bakobeba amashiwi nga, Bashikulu abene bayimakene mukati kabo nokusosa kuli bo ati, “Umutende ube namwebo.”

Yohane 13:20

Nachine nkomweba ati, umuntu onse uwapokelela onse uwo natuma, ekwebati apokelela nebo, nakambi uupokelela nebo, apokelela nowantumine.”

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 20:19

Kwatile ukuba ichungulo, pali mbulya bushiku bwakwamba ubwa Mulungu, ninshi nefiseko fyananda filiselwe umwalongene abakusambila pamulandu wakutina abakulu ba Bayuda. Yesu alishile nokwimakana mukati kabo. Elo asosele ati, “Umutende ube namwebo.”

Yohane 20:22

Ulo Yesu asosele mfi, alibapemene nokusosa ati, “Pokeleleni Umupashi Wabuta.

Yohane 20:26

Nomba papitilepo ishiku shisano nashitatu. Abakusambila baku Yesu bali munanda mwenka mulya nakambi, na Tomasi emo ali. Ifiseko fyaliselwe. Yesu ayimakene pakati kabo nokusosa ati, “Mutende ube namwebo.”

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Imilimo ya batumwa 1:2

ukufikila akasuba apintilwemo kumulu. Ulo tangapintwa kumulu, Yesu abalile akonkobesha, nefiso fya Mupashi Wabuta, abantu abo asalile ukuba abatumwa bakwe.

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

2 Timoti 2:2

Amashiwi onse waumfwile kuli nebo pamenso yabakamboni abenji, uyasose kubantu abachetekela abo bakwisa kusambisha bambi.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

3 Yohane 1:14

Nkofwaya ukumutandalila ukuti nkese sosa namwebo pakanwa.