Yohane 20:2 - Chipangano Chabwangu

² Alibutukile ulubilo nokwisa kuli Simoni Petulo nowakusambila umbi uwo Yesu atemenwe. Asosele kuli bo ati, “Balibafumishemo Bashikulu mumanda. Elo tatwishibilepo uko bababikile.”

Yohane 20:2 ပူးပေါင်းရင်းမြစ်များ

Yohane 13:23

Umo uwabakusambila bakwe uwo Yesu atemenwe, ayikele apepi na Yesu.

Yohane 19:26

Ulo Yesu abwene banyina nowakusambila uwo atemenwe balimakene, asosele kuli banyina ati, “We mwanakashi, bona umwana obe ngu!”

Yohane 20:13

Balisosele kuli ye ati, “We mwanakashi, findo ukolila?” Naye abasukile ati, “Pakuti balibafumishe Bashikulu banji, tanshishibilepo noko bababikile!”

Yohane 20:15

Yesu afumbile ati, “We mwanakashi, findo ukolila? Ninani ukofwaya?” Maliya alangulukile ukuti eye umulimi wamwibala. Elo asosele ati, “Mwe bashikulu, kati nimwe mumufumishemo, nangeni uko mumubikile ukwebati nje kumufumyako.”

Yohane 20:9

Pakuti panshita njilya tabalaumfwikisha ifyo Amalembo asosa ukuti Yesu akubuka kubafwa.)

Yohane 21:20

Petulo alyalukile nokubona uwakusambila umbi uwo Yesu atemenwe akomukonka. Engulya uwapalamine kuli Yesu ulo bali pakulya umulalilo uwakumupwilo, nokumufumba ati, “Bashikulu, mba niwisa uukoyisa kumwembula?”

Yohane 21:24

Uwakusambila ngu ewapele bukamboni kuli mfi fintu, nakambi nokufilemba ewafilembele. Epo twalishiba ukuti bukamboni bwakwe bwakwebesha.

Yohane 21:7

Penkapo uwakusambila uwo Yesu atemenwe asosele kuli Petulo ati, “Ni Bashikulu!” Ulo Petulo aumfwile ati ni Bashikulu, abulile ilaya lyakwe nokufwala. (Pakuba alifulile amalaya pamulandu wamulimo.) Ulo ashilile ukufwala, achilukile mumenshi.