Yohane 20:17 - Chipangano Chabwangu

¹⁷ Yesu asosele ati, “Winjikata pakuti nshilabwelela kuli Bata. Nomba koya kuli bawesu ukasose nabo ati nkoya kuli Bata abali e Bashinwe, kuli Lesa wanji uuli e Lesa wenu.”

Yohane 20:17 ပူးပေါင်းရင်းမြစ်များ

Mateyo 12:50

Pakuti umuntu uuli onse uuchita ififwaya Bata bakumulu, ewesu, enkashi nakambi ebama.”

Mateyo 25:40

Elo Imfumu yakubasuka ati, ‘Nachine nkomweba ati, ulo mwayafwilishe umo uwakuli mba abali kubulilwa, ninebo mwayafwilishe.’

Mateyo 28:7

Nomba kamuya bwangu-bwangu, mukabushe abakusambila bakwe ati, ‘Alibukile ukufuma kubafwa, nakambi alimutanjile ukuya ku Galili. Kwenka nkulya eko mukoya kumubwena.’ Nomba nebo namweba.”

Maliko 12:26

Nomba pamulandu wakubuka kubafwa, kanshi tamwapendapo mwibuku lyakwa Mosesi pamulandu wachimpukesa ichalikubilima umulilo? Ifyo Lesa asosele kuli Mosesi ati, ‘Nine Lesa wakwa Abulahamu, Lesa wakwa Isake, Lesa wakwa Yakobe?’

Maliko 16:19

Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa.

Luka 10:4

Mwipintapo chikwama chandalama, itumba lyakupulilamo nangula inkwabilo. Nakambi mulokuposa inshita mukuposhanya umutende panshila.

Yohane 13:1

Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 13:3

Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Yohane 14:2

Munanda yaku Bata muli ififulo fyakwikalamo ifinji. Nga tachali mfi nga nalimwebele. Nkoya mukumuwamishisha ififulo.

Yohane 14:28

Mwalyumfwa ifyo nasosele kuli mwe ati, ‘Nkoya nebo, kuntu nakubwela kuli mwe.’ Kati mwalintemwa, kuti mwasekelela pantu nkoya kuli Bata. Pakuba Bata bakulu ukuchila nebo.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 16:28

Nafumine kuli Bata, elo nalishile muchalo. Epo nkosha ichalo nokubwelela kuli Bata.”

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Yohane 20:27

Elo asosele kuli Tomasi ati, “Bika umunwe obe mpa, lolesha nakumaboko anji wishibe ukuti ninebo. Tambulula ukuboko kobe wikate pachitumba chanji ukuti wikayikapo, kuntu uchetekele bwaka!”

Yohane 7:33

Nomba Yesu asosele ati, “Nakuba nenu pakanshita kanini bwaka, elo nakubwelela kuli Ye uwantumine.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

2 Kolinto 6:18

Nakuba Wishinwe, mwebo mwakuba abana banji abalalume nabanakashi, efyo basosa Bashikulu Abafiso fyonse.

Galatiya 3:26

Mwe bonse muli abana baku Lesa pakuti mwalichetekela muli Klistu Yesu.

Hebele 11:16

Nomba tukobona ukuti balikufwaya ichalo chimbi ichiweme ukuchilapo. Ichalo chakumulu. Echo Lesa tabomfwilapo insoni ukuba Lesa wabo, pakuti ewabemakile umushi.

Hebele 8:10

Nomba ichipangano nakupanga nomutundu waba Isilaeli ninchi, efyo asosa Shikulu Lesa, Nakubika amafunde anji mumitima yabo, nakuyalemba mumitima yabo. Nakuba Lesa wabo, nabo bakuba bantu banji.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

Ukufisulula 21:3

Nalyumfwile amashiwi ayakulu ayalikufuma kumupando wabufumu ayalikusosa ati, “Nomba ichifulo chikalamo Lesa chili pakati kabantu. Lesa akwikala nabo, elo nabo bakuba abantu bakwe. Lesa umwine akwikala pamo nabo, nakambi akuba Lesa wabo.

Ukufisulula 21:7

Umuntu wakuchimfya akupokelela ifintu mfi. Nakuba Lesa wakwe, naye akuba umwana wanji.