Yohane 2:4 - Chipangano Chabwangu

⁴ Elo Yesu ayasukile banyina ati, “Nga nchite shani? Inshita yanji tayilafika!”

Yohane 2:4 ပူးပေါင်းရင်းမြစ်များ

Mateyo 15:28

Elo Yesu amwasukile ati, “We mwanakashi we, ichichetekelo chobe chikulu! Icho wafumba chichitikwe.” Penkapo umwana wakwe umwanansungu alipolele.

Mateyo 8:29

Ulo babwene Yesu, balibilikishe bati, “We mwana waku Lesa, nindo ukofwaya kuli fwebo? Napo wayisa nkuno mukutuchusha nenshita ilingile tayilafika, bayi?”

Luka 2:49

Yesu alibasukile ati, “Mba findo mwalikumfwayila? Kanshi tamwayishibilepo ukuti nebo ndi nokuba munanda yaku Bata?”

Yohane 12:23

Naye Yesu alibasukile ati, “Inshita nomba yafika iyakuti Mwana wa Muntu apelwe ubuleme.

Yohane 13:1

Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 2:3

Ulo waini ashilile, banyina Yesu bamwebele ati, “Tabakwetepo waini.”

Yohane 20:13

Balisosele kuli ye ati, “We mwanakashi, findo ukolila?” Naye abasukile ati, “Pakuti balibafumishe Bashikulu banji, tanshishibilepo noko bababikile!”

Yohane 20:15

Yesu afumbile ati, “We mwanakashi, findo ukolila? Ninani ukofwaya?” Maliya alangulukile ukuti eye umulimi wamwibala. Elo asosele ati, “Mwe bashikulu, kati nimwe mumufumishemo, nangeni uko mumubikile ukwebati nje kumufumyako.”

Yohane 7:30

Elo abantu bafwayile ukumwikata, kuntu tapalipo nangu umo uwamwikete pakuti inshita yakwe yali tayilafika.

Yohane 7:6

Elo Yesu ayasukile ati, “Inshita yanji tayilafika. Nomba kuli mwebo yonse inshita iilingile.

Yohane 7:8

Mwebo kamuyeni kuli nku kulya. Nomba nebo tanshikoyisako pakuti inshita yanji tayingafika.”

Yohane 8:20

Yesu asosele nga mashiwi ulo alikusambisha munanda yaku Lesa, muchipinda umwali amabokoshi ayakusungilamo indalama ishabupe. Elo takwalipo nangu umo uwafwayile ukumwikata pantu inshita yakwe yali tayilafika.

2 Kolinto 5:16

Echo ukufuma nduno fwebo tatulangulukilapo ifya muntu uuli onse pamano ayabuntunse. Nangu akale twalikulanguluka ifyaku Klistu mumano yabuntunse, nomba nduno tatulangulukapo ifyaku ye munshila nji.