Yohane 2:19 - Chipangano Chabwangu

¹⁹ Yesu abasukile ati, “Tobauleni nji nanda yaku Lesa, epo nebo nakwimaka munshiku shitatu bwaka.”

Yohane 2:19 ပူးပေါင်းရင်းမြစ်များ

Mateyo 12:40

Fyenka ifyo Yona ali mumala answi iikulu inshiku shitatu, akasuba nobushiku, efyo no Mwana wa Muntu akuba munda yachalo inshiku shitatu.

Mateyo 16:21

Ukufuma panshita njilya Yesu atatikile ukulondolwela abakusambila bakwe ati, “Ningile ukuya ku Yelusalemu uko abakulu Babayuda, intungulushi shabachipupila, nabasambishi ba Mafunde bakuya kunchusha ukwinekantu nokunjipaya. Nomba mukasuba kalenga shitatu nakwisa kubuka kubafwa.”

Mateyo 27:40

Balikusosa ati, “Te we walikutwanga wati, ‘Kuti natobaula nanda yaku Lesa nokuyimaka munshiku shitatu.’ Ipulushe wenka wemwine. Kati niwe Mwana Lesa, wike pamutashi.”

Mateyo 27:63

nokumweba ati, “We mfumu, twayibukisha ifyo ngulya uwabufi alikusosa ulo ali nobumi ati, ‘Nga shakumana inshiku shitatu nakubuka kubafwa nakambi.’

Maliko 14:58

“Fwebo twalyumfwile ngu muntu alikusosa ukuti, ‘Nebo nkoyisa kutobaula nji nanda yaku Lesa iyayimakwa namaboko abantu, kuntu panshiku shitatu nakwimakapo imbi iitayimakwapo namaboko abantu.’”

Maliko 15:29

Abalikupitapo balikupukumya imitwi nokumusalula ati, “Eya, wasangwapo lelo! Te we walikutwanga wati, kuti watobaula inanda yaku Lesa, nokwimaka munshiku shitatu?

Maliko 8:31

Epo Yesu abalile ukusambisha abakusambila bakwe ati, “Umwana wa Muntu akumfwa amachushi, nokusulwa kubakulu Babayuda, kuntungulushi shabachipupila, nabasambishi ba Mafunde. Bakumwipaya, kuntu mukasuba kalenga shitatu akwisa kubuka kubafwa.”

Yohane 11:25

Yesu asosele kuli ye ati, “Nine ukubuka nobumi. Uyo onse uuchetekela muli nebo, akuba nobumi nangu aafwa.

Yohane 5:19

Yesu alibasukile abakulu ba Bayuda ati, “Nachine nkomweba ati, Umwana tachitapo kantu nangu kamo apaenka. Ye achita fyonse ifyo abona Bawishi bachita. Pakuti yonse imilimo achita Wishi, no Mwana naye alachita yenka njilya.

Imilimo ya batumwa 2:24

Nomba Lesa alimubusha nokumupulusha kubukali bwamfwa pantu chalikangile ukuti imfwa imuchimfye.

Imilimo ya batumwa 2:32

Lesa abushishe Yesu ngu kubafwa, nafwebo bonse tuli bakamboni pali nchi.

Imilimo ya batumwa 3:15

Echo mwayipeye umwine wabumi, kuntu Lesa amubushishe kubafwa. Elo fwebo tuli bakamboni pali ngu mulandu.

Imilimo ya batumwa 3:26

Mfi nomba Lesa abushishe Umupyungi wakwe, amutumine kuli mwebo ukuti amushukishe ukupitila mukwalula onse muli mwebo ukufuma kumabifyo akwe.”

Imilimo ya batumwa 6:14

Twalimumfwile ulo alikusosa ati uyo Yesu waku Nasaleti akonaula nji nanda yaku Lesa nokwalula utufuto uto Mosesi atupele!”

Loma 4:24

Akososa napali fwebo akotubona nga abalungama pamulandu wakuchetekela Lesa uwabushishe Bashikulu Yesu kubafwa.

Loma 6:4

Echo mulubatisho lwesu, twashikilwe pamo na Ye nokuba mumfwa yakwe ukwebati kubati nimfilya Bata bamubushishe kubafwa nefiso fyabo, elo nafwe tube nobumi bwabwangu.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

1 Kolinto 15:12

Nomba pakuti tukoshimika ukwebati Klistu alibukile kubafwa, mba nindo bambi muli mwe bakoebela ati, “Abantu abafwa tabakabukepo?”

Kolose 2:12

Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.