Yohane 2:18 - Chipangano Chabwangu

¹⁸ Nomba intungulushi sha Bayuda shalifumbile ati, “Fiso ndo ifikulu wingachita ukutulanga ukuti uli nensambu shakuchita mfi?”

Yohane 2:18 ပူးပေါင်းရင်းမြစ်များ

Mateyo 21:23

Ulo Yesu ayinjile munanda yaku Lesa, intungulushi shabachipupila nabakulu Babayuda bayile kuli Yesu ulo alikusambisha, nokumufumba ati, “Ninsambu ndo uchitilamo mfi fintu? Mba uwakupela nshi nsambu ninani?”

Maliko 8:11

Abafalisi bambi bayile kuli Yesu nokutalikana nakwe. Balikufwaya ukumwesha. Bamufumbile ukuti achitepo ichafiso ifikulu chimo ichakulanga ukuti aba na Lesa.

Luka 11:29

Ulo abantu balongene nokumushinguluka, Yesu abebele ati, “Amba banjino nkulo babipile! Bafwaya ukubona ifyafiso ifikulu. Nomba tabakafibonepo, sembi ichachitikile kuli Yona musoseshi.

Yohane 1:19

Elo bachilolo ba Bayuda abamu Yelusalemu batumine bachipupila naba Lefi mukumufumba Yohane ati, “Kanshi webo niwe nani?”

Yohane 1:25

Elo bafumbile Yohane Mubatishi ati, “Kati tewepo Uwasubwa uwaku Lesa nangula Eliya nangula umusoseshi, mba nindo ubatishisha?”

Yohane 6:30

Elo balimwasukile ati, “Mba chafiso ifikulu ndo wakuchita ichakuti tubone nokukuchetekela? Mulimo ndo wakuchita?

Imilimo ya batumwa 4:7

Batekele abatumwa kuntanshi yabo. Batatikile ukubafumba ati, “Kanshi mwachitile shani mfi? Nikufiso fyaku nani nangula lishina lyaku nani mwabomfweshe?”

Imilimo ya batumwa 5:28

“Twalimubinda mwebo ukusambisha mwishina lyaku ngulya muntu. Nomba boneni icho muchitile! Mu Yelusalemu monse mulikubishe ukusambisha kwenu, nakambi mukofwaya ukuleta umulandu wamfwa yakwe palifwebo!”