Yohane 2:11 - Chipangano Chabwangu

¹¹ Yesu achitile nchi ichafiso ifikulu ichakwamba mu Kana, muchalo cha Galili. Uko aafisulwile ubuleme bwakwe, nabakusambila bakwe balimuchetekele.

Yohane 2:11 ပူးပေါင်းရင်းမြစ်များ

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 1:17

Lesa apele Amafunde ukupitila muli Mosesi, kuntu ubwanshi nokwebesha fyayishile muli Yesu Klistu.

Yohane 1:43

Akasuba kakonkelepo Yesu alangulukile ukuya kuchalo cha Galili. Elo asangile umwalalume uwitwa Filipo nokuti kuli Ye, “Nkonka!” (

Yohane 1:50

Yesu asosele ati, “Kanshi wachetekela pakuti nakweba ati, ‘Nakubwene kale ulo wayikele munshi yamukunyu?’ Wakwisa kubona ifintu ifikulu ukuchila pali nchi!”

Yohane 10:41

Abantu abenji bayishile kuli Ye nokusosa ati, “Yohane tachitilepo imilimo iyafiso ifikulu. Nomba ifintu fyonse ifyo asosele ifyaku ngu fyakwebesha.”

Yohane 11:15

Nomba pamulandu waku mwebo natemwa pakuba nebo tanshalipo nakwe, epo mwakuchetekela. Katulokuya.”

Yohane 11:47

Elo Abafalisi nentungulushi shabachipupila nabakulu ba Bayuda balikumene nokusosa ati, “Twakuchita shani? Lolesheni pafyafiso ifikulu fyonse ifyo ngu muntu akochita!

Yohane 12:18

Ngu emulandu ibumba lyabantu lyayilile mukumukumanya, pantu baumfwile icho Ye achitile ichafiso ifikulu.

Yohane 12:37

Nangu Yesu achitile mfi fishibilo ifyafiso ifikulu pamenso abo, tabachetekelepo muli Ye.

Yohane 12:41

Esaya asosele mfi pakuti abwene ubuleme bwaku Yesu, elo ewo alikusosapo.

Yohane 14:13

Elo nakwisa kuchita fyonse ifyo mwakwisa kulomba mwishina lyanji ukuti Bata bachinshikilwe mu Mwana wabo.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 16:30

Nomba twayishiba ukuti mwalishiba fyonse, tachikofwayikwapo ukuti umuntu amufumbepo. Echo twasumina ukuti mwafumine kuli Lesa.”

Yohane 2:1

Ulo papitile inshiku shibili kwali ubwinga mumushi wa Kana, mu Galili. Banyina baku Yesu nabo eko bali.

Yohane 2:23

Inshita Yesu ali mu Yelusalemu, munshiku sha Chakulya Chakuchilila abantu abenji balichetekele muli Ye pakubona ifyafiso ifikulu ifyo Ye achitile.

Yohane 3:2

Ayile kuli Yesu ubushiku nokumweba ati, “We musambishi, twalishiba ukuti uli musambishi uwatumwa na Lesa. Takupo nangu umo uwingachita nji milimo iyafiso ifikulu iyo ukochita, sembi Lesa ali pamo nakwe.”

Yohane 4:3

Ulo Yesu aumfwile ifyalikusoswa, alifumine ku Yudeya nokubwelela ku Galili.

Yohane 4:46

Epo Yesu alibwelelemo kumushi wa Kana waku Galili, uko asangwile amenshi ukuba waini. Elo kwali chilolo wabuteko uwali nomwana wakwe umwalalume uwalikulwala mu Kapenaumu.

Yohane 4:54

Nchi echafiso ichikulu ichalenga bubili icho Yesu achitile ulo afumine ku Yudeya nokuya ku Galili.

Yohane 5:23

pakuti abantu bonse bachinshike Umwana kubati nimfilya bachinshika Bawishi. Umuntu onse uutachinshikapo Mwana takochinshikapo na Bawishi abamutumine.

Yohane 6:14

Pakubona ichafiso ifikulu icho Yesu achitile, abantu basosele ati, “Nachine ngu emusoseshi uwali nokwisa muno chalo.”

Yohane 6:2

Ibumba ilikulu ilyabantu lyalimukonkele pantu babwene ifyafiso ifikulu ifyo achitile mukuposha abalwele.

Yohane 6:26

Yesu alibasukile ati, “Nachine nkomweba ati, mukomfwaya pamulandu wakuti mwalilile imifuba nokwikuta, tepamulandupo wakweba ati mwalyumfwile bwino ifyafiso ifikulu.

Yohane 6:30

Elo balimwasukile ati, “Mba chafiso ifikulu ndo wakuchita ichakuti tubone nokukuchetekela? Mulimo ndo wakuchita?

Yohane 7:31

Nangu chali mfi, abantu abenji balichetekele. Elo basosele ati, “Kati Uwasubwa ayisa, napo akwisa kuchita imilimo iyafiso ifikulu ukuchila ngu muntu?”

Yohane 9:16

Bambi abamu Bafalisi basosele ati, “Umuntu ngu uukochita mfi tafumapo kuli Lesa iyowo, pantu tasungapo Amafunde akasuba ke Sabata.” Nomba bambi nabo basosele ati, “Mba umuntu imbifi kuti achita shani imilimo iyafiso ifikulu nga nji?” Elo mwali ukulekana mukati kabo.

2 Kolinto 3:18

Fwe bonse, abatakwetepo ichifimba pamenso esu, tubwenesha umuchinshi waku Bashikulu kubati nimfilya ichilola chilanga umuntu ichinso. Echo umuchinshi wenka ngulya, uufuma kuli Bashikulu, abali Mupashi, balatwalula ukuti tube muchipasho chabo ichamuchinshi uwachilapo.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

1 Yohane 5:13

Nkolembela bonse mwe bachetekela mu Mwana waku Lesa ukuti mwishibe ati muli nobumi butashila.