Yohane 19:6 - Chipangano Chabwangu

⁶ Ulo intungulushi shabachipupila nabashilikali bamubwene Yesu, balibilikishe bati, “Musamikeni! Musamikeni!” Elo Pilato asosele ati, “Mupinteni mwebene mumusamike pantu nebo tanshisangilemo umulandu muli Ye.”

Yohane 19:6 ပူးပေါင်းရင်းမြစ်များ

Mateyo 26:58

Petulo alikukonka Yesu akatalamukila, nakwisano lyakwa chipupila mukulu. Alinjile nokwikala apayikele abashilikali ukuti abone ichikochitika.

Mateyo 27:22

Pilato alibafumbile ati, “Nomba nchite nakwe shani Yesu uwitwa Klistu?” Bonse balyasukile ati, “Musamikeni pamutashi!”

Mateyo 27:24

Ulo Pilato abwene ukwebati mwali ukutalikishanya mubantu, abulile amenshi nokusamba kuminwe yakwe pamenso yabantu. Elo asosele ati, “Tanshikwetepo umulandu pamfwa yamuntu ngu. Chiteni icho mukofwaya mwebene.”

Luka 23:4

Elo Pilato asosele kuntungulushi shabachipupila nakumabumba ati, “Nebo tanshisangilemo umulandu muli ngu muntu.”

Yohane 18:3

Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako.

Yohane 18:31

Elo Pilato asosele kuli bo ati, “Mupinteni mwe bene muye mumupingule ukukonka amafunde enu.” Abayuda baasukile ati, “Tatwapelwapo ifiso fyakupingula umulandu wakwipaya umuntu mumafunde esu.” (

Yohane 18:38

Pilato afumbile Yesu ati, “Nga ukwebesha uko ukososa chindo?” Ulo ashilile ukusosa amashiwi nga, afumine panse nokweba abakulu ba Bayuda ati, “Muli ngu muntu nshisangilemo mulandu iyowo.

Yohane 19:15

Bonse balyawile bati, “Afwe, afwe! Musamikeni pamutashi!” Pilato abeba ati, “Kanshi kuti nasamika Imfumu yenu?” Intungulushi shabachipupila shalyasukile ati, “Tatukwetepo imfumu imbi, kuntu kateka mukulu waku Loma epela.”

Yohane 19:4

Pilato alifumine panse nokuti ku Bayuda, “Boneni namuleta panse pali mwebo, mwishibe ukuti nshisangilemo mulandu muli ngu muntu nangu panini.”

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Imilimo ya batumwa 7:52

Musoseshi ndo uwo ifikolwe fyenu fitachushishe? Fyayipeye abalikubilisha ukwisa kwa Wasubwa waku Lesa. Boneni namwebo mwamupele kufipondo fyakwe nokumwipaya.