Yohane 19:30 - Chipangano Chabwangu

³⁰ Ulo Yesu anwene waini asosele ati, “Kwashila.” Elo ayinamikile umutwi wakwe nokufwa.

Yohane 19:30 ပူးပေါင်းရင်းမြစ်များ

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Mateyo 27:50

Yesu alilile nakambi neshiwi ilikulu, nokufwa kafwa.

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Maliko 15:37

Ulo alilile neshiwi ilikulu, Yesu alifwile.

Luka 22:37

Pakuti nkomubusha Amalembo Apatulika ngalya ayasosa ati, ‘Ye balimupendele pamo notupondo,’ ukwebati filange ukwebesha nefyalembelwe pali nebo, pakuti ifyalembelwe pali nebo fili apepi nokufikilishiwa.”

Luka 23:46

Yesu ayawile neshiwi ilikulu ati, “Bata! Nabika umupashi wanji mumaboko enu!” Ulo asosele nga mashiwi, nokufwa kafwa.

Yohane 10:11

“Nine chembela uuweme. Chembela uuweme apela ubumi bwakwe pamulandu wambelele.

Yohane 10:18

Takupo umuntu uwingafumya ubumi bwanji kuli nebo, kuntu ndabutula nemwine. Ndikwete ifiso fyakubutula, nakambi nokubutola nemwine. Nchi echo Bata bansambisha ukuti nchite.”

Yohane 17:4

Nalimuchinshika muno chalo pakushilisha umulimo uwo mwampele ukuchita.

Yohane 19:28

Panuma ya mfi, Yesu alishibile ukuti fintu fyonse fyapwa, asosele ati, “Ndi nechilaka.” (Asosele mfi ukuti Amalembo afikilishiwe.)

Yohane 4:34

Yesu asosele kuli bo ati, “Ichakulya chanji kumfwila uyo uwantumine nokushilisha umulimo wakwe uwo ampele ukubomba.

Loma 10:4

Pakuti Klistu ekupelako kwamafunde ukwebati onse uwachetekela Lesa apokelelwe nga uwalungama.

Loma 3:25

Lesa amupele ngu ukuti mumfwa yakwe abe nshila yakunakila amabifyo yabantu bonse abamuchetekela. Nchi chilanga ukulungama kwaku Lesa. Akale Lesa alikuteka umutima nokuleka amabifyo abantu.

1 Kolinto 5:7

Fumyenipo ichimena ichakale ichabubi ukuti mube umufuba uwabwangu. Elo mwakuba umufuba wabwangu kubati nimfilya muli. Pakuti Klistu, Umwana Wambelele wesu uwa Chakulya Chakuchilila, alipayilwe kale nga ipupo.

Filipi 2:8

Klistu aliichefeshe nokuba uwachumfwila ukufikila kumfwa, ina, kumfwa yakwe iyapamutashi.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 9:22

Ina, ukulingana na Mafunde akwa Mosesi, ifintu filawamishiwa nomulopa. Elo amabifyo tayanakililwapo ukwambula ukwitulwilwa umulopa.