Yohane 19:23 - Chipangano Chabwangu

²³ Ulo abashilikali bashilile ukusamika Yesu pamutashi, babulile ifyakufwala fyakwe, balifipatwile pane, ukuti mushilikali abulepo ichiputulwa chimo. Elo babulile nomwinjila wakwe uutakwetepo mufukililo wali uwapikulwa ukufuma pamulu nokufika panshi.

Yohane 19:23 ပူးပေါင်းရင်းမြစ်များ

Mateyo 27:35

Ulo bamusamikile pamutashi, bachitile bumwine-mano pakwabana amalaya akwe.

Maliko 15:24

Nomba balimusamikile. Bachitile bumwine-mano pakwakana amalaya akwe pakuti beshibe icho umo-umo engabulapo.

Luka 23:34

Yesu asosele ati, “Bata, banakilileni pantu tabeshibilepo icho bakochita.” Elo bayakene amalaya yakwe mukuchita bumwine-mano.

Imilimo ya batumwa 12:4

Ulo yayikete Petulo yamuposele muchifungo. Alikulondwa namabumba yabashilikali yane ayakwete abantu bane-bane. Helodi alikufwaya ukumulubulwisha palwalala panuma yakupwa kwa Chakulya Chakuchilila.