Yohane 19:11 - Chipangano Chabwangu

¹¹ Yesu alyasukile ati, “Ukwambula Lesa ukukupela nshi nsambu nga taukwetepo fiso ifyakumpingula. Echo umuntu uwandetele kuli webo eukwete umulandu uukulu.”

Yohane 19:11 ပူးပေါင်းရင်းမြစ်များ

Mateyo 26:65

Penkapo chipupila mukulu alepawile insalu shakwe nokuti, “Mulandu ndo tukofwayila nabakamboni bambi? Asalula Lesa. Nomba mwayumfwila mwebene umusalula.

Mateyo 27:2

Bakakile Yesu nokumutwala kuli Pilato, kateka wabena Loma.

Mateyo 6:13

Mwitulekelesha mukwesheka, kuntu mutupokeko kumubi.’

Maliko 14:44

Uwakwembula Yesu alibapele kale ichishibilo ati, “Uyo nkoya kufyomfyonta, eye enka. Mumwikate, mumutwale nokumusunga bwino.”

Luka 22:53

Inshiku shonse nalikwikala namwebo nkosambisha munanda yaku Lesa, nokuti munjikatepo, yii. Nomba nji enshita yenu nakambi iyafiso fyamfishi.”

Yohane 18:13

Pakwamba bamutwite kuli Anasi, wishi-fyala wakwa Kayafasi, uwali chipupila mukulu muli ngulya mwaka.

Yohane 18:3

Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako.

Yohane 19:10

Elo Pilato asosele kuli Yesu ati, “Nindo utakoyasukilapo? Taukoyishibapo ukuti ndi nensambu ishakukukakula neshakukusamika.”

Yohane 3:27

Yohane alyasukile ati, “Takupo umuntu uwingakwatapo akantu, sembi Lesa amupela.

Yohane 7:30

Elo abantu bafwayile ukumwikata, kuntu tapalipo nangu umo uwamwikete pakuti inshita yakwe yali tayilafika.

Yohane 9:41

Yesu alibasukile ati, “Nga mwaba impofu, nga tekuti mukwatepo umulandu, kuntu apo musosa ukuti, ‘Tulabona,’ mwalikwata umulandu.”

Imilimo ya batumwa 2:23

Elo Lesa, mumapange akwe aapingwile kale ukuti Yesu akuposwa muminwe yenu. Nachine mwalimwipeye pakusuminisha abantu ababi ukuti bamusamike pamutashi.

Imilimo ya batumwa 3:13

Mukuchita mfi Lesa waku Abulahamu, Isake na Yakobe, Lesa wafikolwe fyesu, ewachindamika umupyungi wakwe Yesu. Mwebo mwalimuposele kufipondo fyakwe. Elo mwalimukene napa menso yakwa Pilato panshita Pilato alikufwaya ukumukakula.

Imilimo ya batumwa 4:28

Bakumene ukuchita ifyo webo wapangile kale ukupitila mufiso nobufwayo bwako ukuti fichitike.

Loma 11:36

Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!

Loma 13:1

Umuntu onse alingile ukumfwila intungulushi shabuteko. Pakuti tapapo umuntu uukwete ubutungulushi ubushafuma kuli Lesa. Echo intungulushi ishilipo ni Lesa uwashibika.

Yemusi 1:17

Ichabupe chonse ichiweme nechakufikapo chifuma kumulu kuli Lesa, katala wamfilya ifisanika kumulu. Ye taalukapo, elo ukusanika kwakwe takwaalukapo kubati chimfule.

Yemusi 4:17

Echo umuntu onse uwishibile ifyo alingile ukuchita, elo tafichitapo, alabifya.