Yohane 18:36 - Chipangano Chabwangu

³⁶ Yesu alyasukile ati, “Ubufumu bwanji tabuli bwamuli nchino chalo. Abuba bwapanonshi, abalumbwana banji nga balimine mukulwa pakuti nintwalwa kubakulu ba Bayuda. Nomba ubufumu bwanji tabuli bwapanonshi iyowo.”

Yohane 18:36 ပူးပေါင်းရင်းမြစ်များ

Mateyo 26:53

Napo ukolanguluka ukuti tekuti njitepo kuli Bata ukwebati bantumine nduno lwenka amabumba ikumi na abili aabangelo?

Luka 12:14

Yesu amwasukile ati, “We munanji, mba ninani uwampela ubupingushi, nangula ifiso ifyakwabanya ububoni bwenu babili?”

Yohane 18:35

Pilato alyasukile ati, “Napo nebo ndi Muyuda munobe? Abantu bamushobo obe nentungulushi shabachipupila eshakuletele kuli nebo. Chindo wachita?”

Yohane 6:15

Elo Yesu alishibile ukuti abantu bakofwaya ukumukakatisha ukuti abe imfumu. Echo Ye alifuminepo nokuya kulupili lumbi apaenka.

Yohane 8:15

Mwebo mupingula ukulingana nobuntunse bwenu, kuntu nshikopingulapo umuntu nangu umo.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

1 Timoti 6:13

Nomba nkokukonkobesha pamenso aku Lesa uupela ubumi kufintu fyonse, nelyaku Klistu Yesu uwapele bukamboni ubwakwebesha pachinso chakwa Pontiyo Pilato.