Yohane 18:3 - Chipangano Chabwangu

³ Elo Yuda ayile kwibala, nebumba lyankondo lyaba Loma nabashilikali abatuminwe kuntungulushi shabachipupila na Bafalisi bayishile kwibala, balipintile inyali imyenje nefyakulwilako.

Yohane 18:3 ပူးပေါင်းရင်းမြစ်များ

Mateyo 25:1

“Pali njilya nshita, ubufumu bwakumulu bwakubati banansungu ikumi abapintile inyali shabo nokuya mukuchinsha nshibwinga.

Yohane 13:2

Yesu nabakusambila bakwe bali pakulya umulalilo, Satana ye kale ayinjile mumutima wakwa Yuda Isikaliyoti, mwana waku Simoni, ukuti embule Yesu kubalwani bakwe.

Yohane 18:12

Elo abashilikali baba Loma, umukulu wankondo nabamalonda abatuminwe nabakulu balimwikete Yesu nokumukaka.

Yohane 18:18

Ababomfi nabashilikali bakoseshe umulilo wamafyanga nokonta pakuba kwali impepo. Petulo naye ali nabo pamo.

Yohane 18:22

Ulo ashilile akusosa mfi, umo uwabashilikali uwayimakenepo, apamine Yesu ulupi pamenso nokuti, “Kanshi efyo ukoyasuka chipupila mukulu?”

Yohane 19:6

Ulo intungulushi shabachipupila nabashilikali bamubwene Yesu, balibilikishe bati, “Musamikeni! Musamikeni!” Elo Pilato asosele ati, “Mupinteni mwebene mumusamike pantu nebo tanshisangilemo umulandu muli Ye.”

Yohane 7:32

Ulo Abafalisi baumfwile ifyo abantu balikutepeleshanya namfi ifyaku Yesu, intungulushi shabachipupila na Bafalisi batumine bamalonda ukuti baye bamwikate Yesu.

Imilimo ya batumwa 1:16

“Mwe bawesu, ifyalembwa Mumalembo ifyakwa Yuda fyali nokuchitika. Pakuti Mupashi Wabuta asosele ukupitila muli Davide pamulandu wakwa Yuda, uwatanjilile abantu abayikete Yesu.

Imilimo ya batumwa 10:1

Mumusumba uwitwa Kayisaleya mwalipo umuntu umo uwalikwitwa Koneliyasi, umukulu wabashilikali abena Loma abali kwitwa, “Abashilikali baku Itali.”