Yohane 18:20 - Chipangano Chabwangu

²⁰ Yesu alimwasukile ati, “Nalikusosa apabuta kubantu. Nalikusambisha lonse mumananda akulombelamo Lesa namunanda yaku Lesa uko balongana Abayuda bonse. Nshalikusosapo akantu mubumfinshi iyowo.

Yohane 18:20 ပူးပေါင်းရင်းမြစ်များ

Mateyo 24:26

“Echo nga bantu bamweba ukuti, ‘Umfweni, Klistu ali muchiswebebe!’ Mwikayako iyowo. Nangula abamweba ati, ‘Umfweni, Klistu ali mukati munanda!’ Mwikasuminapo iyowo.

Mateyo 26:55

Panuma Yesu abafumbile ati, “Napo nebo ndi chipondo, apo mwayisa nemyele nenkoli mukunjikata, bayi? Inshiku shonse nalikwikala namwebo nkosambisha munanda yaku Lesa, nokuti munjikatepo, yii.

Mateyo 26:65

Penkapo chipupila mukulu alepawile insalu shakwe nokuti, “Mulandu ndo tukofwayila nabakamboni bambi? Asalula Lesa. Nomba mwayumfwila mwebene umusalula.

Mateyo 4:23

Yesu alikwenda-enda muchalo cha Galili, ukusambisha mumananda aakulombelamo Lesa, nokubilisha Ubutumi Bwawama ubwa Bufumu, nokuposha abantu abali namalwele aapusene-pusene nabanakile imibili.

Mateyo 9:35

Nomba Yesu aendele konse-konse mumisumba namumishi mukusambisha mumananda aakulombelamo Lesa. Alikubilisha Ubutumi Bwabufumu bwaku Lesa nokuposha amalwele aapusene-pusene.

Maliko 8:32

Ndi shiwi alisosele pamenso-kutuba. Ulo Petulo aumfwile mfi, abulile Yesu nokuya nakwe pambali. Elo atatikile ukumwebaula.

Luka 21:37

Yesu aposele shonse nshi nshiku akosambisha munanda yaku Lesa. Elo kuchungulo alikuya ku Lupili lwa Maolife.

Luka 4:15

Elo alikubilisha mumananda akulombelamo Lesa, nabantu bonse abalikumfwako balimutotele.

Yohane 18:21

Mba findo ukomfumbila? Fumba abantu abaumfwile ifyo nalikusambisha. Ebeshibile ifyo nasosele.”

Yohane 6:59

Yesu asosele mfi ulo alikusambisha munanda yakulombelamo Lesa mu Kapenaumu.

Yohane 7:14

Ulo ukulya nku kwali pakati, Yesu ayile kunanda yaku Lesa nokutatika ukusambisha abantu.

Yohane 7:26

Boneni! Teye akososela apatubile, nakambi takupo nangu umo uukomusosela ububi! Napo kuti kwaba ukwebesha ukuti abakulu balishibile ukuti ena e Wasubwa waku Lesa?

Yohane 7:28

Ulo Yesu alikusambisha munanda yaku Lesa mu Yelusalemu, alibilikishe ati, “Nachine mwalinjishiba nokwishiba uko nafuma? Nomba tanshayisa mukufwayapo kwanji. Nomba uyo uwantumine wakwebesha. Mwebo tamwamwishibapo iyowo.

Yohane 7:4

Takwabapo umuntu ufisa imilimo iyo akobomba kati akofwaya ukwishibikwa ukwinekantu. Apo wachita mfi fintu, leka ichalo chonse chikwishibe!” (

Yohane 8:2

Muluchelo-chelo, alibwelelemo kunanda yaku Lesa nokwinjilamo. Elo ayikele nokusambisha abantu pantu abenji bayishile kuli Ye.

Yohane 8:26

Ndikwete ifyakusosa ifinji, nefyakumupingula. Uyo uwantuma wakwebesha. Elo amashiwi onse awo naumfwile kuli Ye ewo nkososa kuchalo.”

Imilimo ya batumwa 26:26

Ba mfumu Agilipa, balishibile fyonse mfi. Emulandu nkososela nomutima umo. Nkochetekela ukuti mukoukonka bwino-bwino umulandu onse pakuti ichintu nchi tachachitikilepo mubumfinsolo iyowo.