Yohane 17:8 - Chipangano Chabwangu

⁸ Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 17:8 ပူးပေါင်းရင်းမြစ်များ

Mateyo 13:11

Elo naye abasukile ati, “Kuli mwebo kwalipelwa ukwishiba ifyamubumfisolo ifyabufumu bwakumulu, nomba bo tabapelwapo iyowo.

Yohane 12:49

Nchi chakwebesha pantu nshiyisosela ifyaku nebo nenka, kuntu Bata abantumine ebansambishe ifyo nsosa.

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 15:15

Lelo nshikomwita mwebo ababomfi, pakuti umubomfi teshibapo ifyo shikulu wakwe akochita. Nomba nkomwita mwebo ifibusa fyanji, pakuti fyonse ifyo naumfwa kuli Bata nalimubushishe.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 16:30

Nomba twayishiba ukuti mwalishiba fyonse, tachikofwayikwapo ukuti umuntu amufumbepo. Echo twasumina ukuti mwafumine kuli Lesa.”

Yohane 17:14

Nalibasambisha amashiwi enu, elo ichalo chalibapatile pakuti tabalipo bamwibumba lyabo, ukubati nimfilya nandibo tanshilipo wamuli bo.

Yohane 17:18

Ukubati nimulya mwantumine muchalo, echo nandibo nabatuma muchalo.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 3:33

Nomba muntu onse uupokelela amashiwi akwe, ashininkisha ukwebati Lesa wakwebesha.

Yohane 6:68

Simoni Petulo alimwasukile ati, “Bashikulu, mba nikuli nani twingaya? Nimwe mukwete amashiwi aapela ubumi butashila.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

1 Kolinto 11:23

Pakuti napokelele kuli Bashikulu amashiwi awo namuletele aakuti ubushiku bwenka ubo Bashikulu Yesu bapelekelwemo, babulile umufuba.

1 Kolinto 15:1

Mwe bawesu, nkofwaya ukumwibukishapo Ubutumi Bwawama ubo namushimikileko. Mwali bupokelele nokwimakaninapo ndi muchichetekelo chenu.

1 Tesalonika 2:13

Icho tutotelapo Lesa lonse nimukuti ulo mwaumfwile Amashiwi aku Lesa awo twamushimikile, mwaliyapokelela tekubati mashiwi amuntu iyowo, kuntu kubati nimfilya aaba, mashiwi aku Lesa. Amashiwi nga eyakopyunga umulimo muli mwebo abachetekela.

1 Tesalonika 4:1

Pakulekelesha, mwe bawesu, tukomupapata pali nchi mwasambilile kuli fwebo ifyo muli nokwikala mukusekesha Lesa. Nachine efyo mukochita. Nomba tukomupapata nefiso fyonse muli Bashikulu Yesu Klistu ukuti mulundepo ukuchita mfi.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

Ukufisulula 1:1

Muli ndi buku emwalembwa ifintu Lesa afisulwile kuli Yesu Klistu. Lesa amufisulwile mfi ukuti alange abapyungi bakwe ifyakwisa kuchitika bwangu-bwangu. Klistu naye alishibishe umupyungi wakwe Yohane mfi fintu ulo atumine umungelo wakwe kuli ye.