Yohane 17:3 - Chipangano Chabwangu

³ Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 17:3 ပူးပေါင်းရင်းမြစ်များ

Maliko 9:37

“Umuntu onse uwakupokelela akana kanini akalinga nka mwishina lyanji, epela nine apokelela. Elo onse uwapokelela nebo, te nenkapo apokelela, kuntu nangulya uwantumine.”

Luka 9:48

Elo asosele ati, “Umuntu onse uupokelela akana kanini mwishina lyanji, akopokelela nebo, nakambi na onse uwapokelela nebo, apokelela nowantumine. Pakuti uukoyichefya muli mwebo, emukulu pali bonse.”

Yohane 10:36

Nebo, Bata ba nsalile nokuntuma muno chalo. Mba nindo nomba mukonjebela ukuti nkosalula Lesa ulo nsosa ati nine Mwana waku Lesa?

Yohane 11:42

Nalishiba ukuti mulang’umfwa inshiku shonse, kuntu nasosa mfi pamulandu wabantu mba abali mpano, ukwebati bachetekele ukuti nimwe mwantumine.”

Yohane 14:26

Kafwa, ewo Umupashi Wabuta, uwo Bata bakumutumina mwishina lyanji, akwisa kumusambisha ifintu fyonse, elo akwisa kumwibukisha ifintu ifyo namwebele.

Yohane 17:18

Ukubati nimulya mwantumine muchalo, echo nandibo nabatuma muchalo.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:8

Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 3:34

Uyo uwatumwa na Lesa eusosa amashiwi aku Lesa, pakuba Lesa alimupela Umupashi Wabuta ukufikapo.

Yohane 5:44

Mwebo mulapokelela ukutondayisha ukufuma kubanenu, kuntu tamupokelelapo ukutondayisha ukufuma kuli Lesa. Nga kuti mwanchetekela shani?

Yohane 6:57

Pakuti Bata abayikalilila ababumi ebantuma nebo, epo pamulandu waku Bo nandibo nalikalilila uwabumi. Munshila imo yenka, muntu onse uwakulya nebo akwisa kuba nobumi pamulandu wakunebo.

Yohane 7:29

Nebo nalimwishiba pakuti nafumine kuli Ye nakambi ewantuma.”

Yohane 8:19

Elo bo balimufumbile ati, “Kanshi Bawiso balikwisa?” Yesu alibasukile ati, “Nebo tamwanjishibapo nangula Bata. Nga mwalinjishibile nebo, na Bata nga mwalibeshiba.”

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 8:4

Nomba pamulandu wafyakulya ifyo bapupila tungosa wakubasa, tulishibile ukuti tatukwetepo akantu. Elo tapapo Lesa umbi, sembi umo enka.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Filipi 3:10

Icho nkofwaya chakuti njishibe Klistu nefiso ifyamubushishe kubafwa. Ng’umfwe amachushi akwe nokubati ni Ye mumfwa yakwe.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

1 Tesalonika 1:9

Bonse mbalya bantu basosa pafyo mwatupokelele bwino ulo twamutandalile napafyo mwayalukile ukulomba tungosa wakubasa nokutatika ukulomba Lesa wachine umumi.

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

Hebele 3:1

Mwe bawesu, muli baku Lesa pakuti alimwita namwebo ukuba nobumi bwakumulu. Langulukeni bwino ifyaku Yesu uyo Lesa atumine ukuti abe Chipupila Mukulu uwachichetekelo nchilya twasumina.

2 Petulo 1:2

Lesa amukwatile ubwanshi nokumupela umutende ukufikapo mukumwishibisha ifyaku Ye na Yesu Shikulu wesu.

2 Petulo 1:3

Lesa, mufiso fyakwe, alitupela fyonse ifitwafwilishako ukuba nobumi nokulomba ukwachine. Achitile mfi ukupitila mukwishiba Lesa uwatwitile pamulandu wabuleme nokuwama kwakwe.

2 Petulo 1:8

Nga mfi fyayikala muli mwebo ukuchishapo, tamwabepo abakangiwa nangu abatakwetepo akantu pamanu aakwishibilapo Bashikulu wesu Yesu Klistu.

1 Yohane 1:2

Ulo mbu bumi bwaboneke, twalibubwene. Nomba tulasosa pali mbu bumi butashilapo ubwali na Bata, elo bwalishibikwe kuli fwebo.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 2:23

Umuntu onse uukana Umwana akana na Bata. Uwasumina Umwana ekuti asumina na Bata.

1 Yohane 4:6

Lelo fwebo tuli baku Lesa. Onse uwayishiba Lesa alatumfwila. Abashishibe Lesa, tabatumfwilapo iyowo. Munshila nji emo Mupashi wachine nowabufi tuwishibilamo.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.