Yohane 17:25 - Chipangano Chabwangu

²⁵ Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:25 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 16:16

Simoni Petulo alyasukile ati, “Niwe Uwasubwa waku Lesa ngulya uwalayilwe, Mwana Lesa wabumi.”

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 1:18

Takupo umuntu nangu umo uwabona Lesa, kuntu Umwana uwafyalwa enka uwatemwekwa, uuli ni Lesa, ewatwishibishe ifyaku Lesa.

Yohane 10:15

Ukubati nimfilya Bata banjishiba, nandibo nalibeshiba Bata. Pamulandu ngu nalipela ubumi bwanji pamulandu wambelele.

Yohane 15:21

Nomba mfi fyonse bakumuchitila mwebo pamulandu weshina lyanji, pakuti tabakomwishiba uyo uwantumine.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 16:3

Abantu bakuchita mfi kuli mwebo pantu tabayishibapo Bata nangu nebo.

Yohane 16:30

Nomba twayishiba ukuti mwalishiba fyonse, tachikofwayikwapo ukuti umuntu amufumbepo. Echo twasumina ukuti mwafumine kuli Lesa.”

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:18

Ukubati nimulya mwantumine muchalo, echo nandibo nabatuma muchalo.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 17:8

Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 6:19

Abakusambila bakwe baobele imilundu isano nangula isano naumo ulo babwene Yesu akoyenda pamenshi, akoyisa apepi nobwato. Epo balitinine ukwinekantu.

Yohane 7:29

Nebo nalimwishiba pakuti nafumine kuli Ye nakambi ewantuma.”

Yohane 8:19

Elo bo balimufumbile ati, “Kanshi Bawiso balikwisa?” Yesu alibasukile ati, “Nebo tamwanjishibapo nangula Bata. Nga mwalinjishibile nebo, na Bata nga mwalibeshiba.”

Yohane 8:55

Mwebo tamwamwishibapo, kuntu nebo nalimwishiba. Nga nebo nasosa ati nshamwishibapo, kuti naba uwabufi kubati nimwe. Nomba nebo nalimwishiba nakambi ndomfwila amashiwi akwe.

Imilimo ya batumwa 17:23

Pantu ulo ndepitana mumushi wenu, nokubona umo mulombelamo, nabona ichipupililo chimo apalembwa ati, ‘Kuli Lesa uutayishibikwa.’ Kanshi ngu mulomba mukuteshiba, eye nebo nkofwaya ukumulondwelelako.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 1:28

Pantu abantu mbalya balikene ukumfwila, Lesa alibalekele mumalangulushi abo aabi, ukuti bachite ifintu ifyabipisha ifyo tabalingilepo ukuchita.

Loma 3:11

takupo uwamulangwe, nangula ulomba Lesa.

Loma 3:26

Nomba achitile mfi ukubonesha ifyo ali, nabantu ukuti beshibe ati mulungami. Elo ni Ye uulungamika nambalya abachetekela muli Yesu.

1 Kolinto 1:21

Pakuba mumulangwe wakwe, Lesa apekenye kabela ukwebati abantu bemwishiba mumulangwe wabo. Nomba Lesa chamuwamine ukwebati apulushe abantu abachetekela ukupitila mumashiwi awo balanguluka ukuba aapuneme awo tusambisha.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

2 Tesalonika 1:8

Akwisa nolubembela lwamulilo mukulanga bonse bankoma-matwi abakana Lesa nokusuula Ubutumi Bwawama ubusosa ifyaku Bashikulu Yesu.

Hebele 8:11

Takwakabepo uwakusambisha umunakwe nangula ukweba wakwe ati, ‘Ishiba Shikulu.’ Pakuti bonse bakunjishiba abene benka, umwayiche nomukulu.

1 Yohane 1:9

Lelo nga twaebelela ububi bwesu kuli Lesa, ena wachishinka nakambi aba uwalungama, akatwelela ububi bwesu nokutuwamya kufyo tubifya.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 16:5

Elo nalyumfwile umungelo umukulu wamenshi akososa ati, “Ina, walungamika mukupingula kwako, we Wabuta, uwaliko nakambi uwakubako!