Yohane 17:23 - Chipangano Chabwangu

²³ Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 17:23 ပူးပေါင်းရင်းမြစ်များ

Yohane 10:38

Nomba nga nkoyichita, nangu kati tamukonchetekelapo, chetekeleni milimo iyo nkobomba. Elo mwakwishiba ukuti Bata baba muli nebo, nandibo naba muli Bata.”

Yohane 13:35

Nga mukotemwana, abantu bakwisa kumwishiba ukuti muli bakusambila banji.”

Yohane 14:10

Kanshi taukochetekelapo Filipo ukuti nebo ndi muli Bata na Bata bali muli nebo? Amashiwi awo nasosa kuli mwe tekuli nebopo akofuma. Bata abayikala muli nebo ebapyunga imilimo yabo muli ne.

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 15:9

Nalimutemwesha ukubati nimfilya Bata bantemwa. Ikalilileni mwebo mukutemwa kwanji.

Yohane 16:27

pantu Bata benka balimutemwa. Balimutemwa pakuti mwalintemwa nokunchetekela ukuti nafumine kuli Bo.

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 17:26

Nalibasambisha ukuti bamwishibe nakambi nshaleke ukuti ukutemwa uko mwantemenwe kube muli bo, nandibo muli bo.”

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 17:8

Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 6:56

Muntu onse uwakulya umubili wanji nokunwa umulopa wanji ewikala muli nebo nandibo muli ye.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Filipi 3:15

Nomba fwe bonse abafikapo pabumi bwesu ubwakumupashi, tulangulukile mumo. Nomba nga mulapusana mukulanguluka mufintu fimo, Lesa akumufisulwila.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

Kolose 3:14

Pali mfi fyonse, mube nokutemwa pantu ukutemwa ekukumbinkanya fyonse pamo muchine.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 3:1

Boneni ifyo Bata batutemenwe ukwinekantu! Batutemenwe ichakuti nomba tukoyitwa abana baku Lesa. Nachine efyo tuli. Abantu tabatwishibapo ifwe pantu tabayishibilepo na Lesa.

1 Yohane 4:19

Twalitemwa pakuti Lesa ewatatikile ukututemwa.

Ukufisulula 3:9

Boneni! Ekobali abantu bakwa Satana, bo abakososa ukuti Bayuda, kuntu iyowo. Nakubalenga ukuti bakese kufukama kumolu obe mukuyichefya. Elo bakwishiba ukuti nalikutemwa.