Yohane 17:21 - Chipangano Chabwangu

²¹ Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Yohane 17:21 ပူးပေါင်းရင်းမြစ်များ

Maliko 3:24

Kati ubufumu bukoyabanika apabwenka, tekuti bwimakanepo.

Yohane 10:16

Eko shaba imbelele nashimbi ishanji, ishitali pali ngu mukuni. Nasho nakushileta pamo, shakumfwa ishiwi lyanji, elo shakwisa kuba mumukuni umo nachembela umo.

Yohane 10:30

Bata nandibo twaba umo bwaka.”

Yohane 10:38

Nomba nga nkoyichita, nangu kati tamukonchetekelapo, chetekeleni milimo iyo nkobomba. Elo mwakwishiba ukuti Bata baba muli nebo, nandibo naba muli Bata.”

Yohane 11:42

Nalishiba ukuti mulang’umfwa inshiku shonse, kuntu nasosa mfi pamulandu wabantu mba abali mpano, ukwebati bachetekele ukuti nimwe mwantumine.”

Yohane 13:32

Kati Lesa achinshikilwa mu Mwana, ekwebati Lesa naye achinshika Umwana wakwe. Elo akochita bwangu-bwangu.

Yohane 13:35

Nga mukotemwana, abantu bakwisa kumwishiba ukuti muli bakusambila banji.”

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:18

Ukubati nimulya mwantumine muchalo, echo nandibo nabatuma muchalo.

Yohane 17:20

“Nomba nshikolombelapo mba benka iyowo, kuntu nambalya abakwisa kuchetekela muli nebo ukupitila mumashiwi awo mba balikubilisha.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Yohane 17:8

Pakuti nalibasambisha amashiwi ayo mwampele, nabo balipokelele. Nomba balishibile ukwebesha ukuti nafuma kuli mwe. Echo balichetekela ukuti nimwe mwantumine.

Yohane 3:17

Pakuti Lesa tatuminepo Umwana wakwe muchalo ukuti apingule abantu, kuntu ukuti abapulushe.

Yohane 5:23

pakuti abantu bonse bachinshike Umwana kubati nimfilya bachinshika Bawishi. Umuntu onse uutachinshikapo Mwana takochinshikapo na Bawishi abamutumine.

Imilimo ya batumwa 2:46

Chila kasuba balikukumana pamo munanda yaku Lesa nomutima umo. Elo balikupokelela umulalilo mumananda yabo nokulya ifyakulya nemitima yansansa nokuyichefya.

Imilimo ya batumwa 4:32

Ibumba lyabantu abachetekele muli Klistu lyalikuchita ifintu munshila imo nomutima umo. Tapalipo nowakweba ati, “Ububoni mbu bwanji nenka” iyowo. Nomba ifyo umuntu nomuntu akwete fyali fyabonse pamo.

Loma 12:5

Munshila imo yenka, nafwebo fwe bachetekela, nangu tuli abenji, twaba umubili umo muli Klistu. Echo twalikumbinkana pamo ngefilewa ifyamubili umo.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

1 Kolinto 12:12

Klistu aba kubati mubili umo uwaba nefilewa ifinji. Nangu ifilewa fibe ifinji, kuntu umubili waba umo enka epela.

1 Kolinto 6:17

Nomba uwilundanya kuli Bashikulu balaba umo na Bashikulu mu Mupashi.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

1 Yohane 1:3

Echo twabona nokumfwa tukobilisha kuli mwebo, ukuti mwe nafwebo tukumane pamo na Bata no Mwana wabo Yesu Klistu.

1 Yohane 5:7

Kwaba bakamboni batatu: