Yohane 17:13 - Chipangano Chabwangu

¹³ Nomba nkoyisa kuli mwe. Nangu chibe mfi, nkososa mfi fintu ulo nchili muchalo ukuti basekelele ukubati nimfilya nasekelela.

Yohane 17:13 ပူးပေါင်းရင်းမြစ်များ

Yohane 13:3

Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Yohane 15:11

“Mfi fintu nasosa namwe ukuti ukusekelela kwanji kube muli mwebo, nokuti ukusekelela kwenu kupitilile.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 3:29

Uyo uukoupa emwine wabwinga, kuntu chibusa wabwinga emakanina bwaka nokukutika, nokusekela pakumfwa ishiwi lyawabwinga. Kanshi nku ekusekela kwanji ukwakufikapo.

Yohane 7:33

Nomba Yesu asosele ati, “Nakuba nenu pakanshita kanini bwaka, elo nakubwelela kuli Ye uwantumine.

Imilimo ya batumwa 13:52

Nomba abena Klistu abamu Antiyoki bayiwile Umupashi Wabuta nokusekelela.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

1 Yohane 1:4

Twalemba mfi ukuti ukutemwa kwesu kube ukwafikapo.

2 Yohane 1:12

Ndikwete ifinji ifyakusosa namwebo, kuntu nshamulembelepo muli kalata nji. Nkofwaya ukumutandalila ukuti nkese sosa namwebo pakanwa, tukatemwe ukwinekantu.