Yohane 17:11 - Chipangano Chabwangu

¹¹ Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:11 ပူးပေါင်းရင်းမြစ်များ

Mateyo 10:16

“Umfweni! Nkomutuma ukubati nimbelele pakati kamimbulu. Echo chenjeleni kubati ninsoka nakambi mufuke imitima kubati ninkunda.

Mateyo 5:48

Echo mube ababuta kubati nimfilya Bawishinwe bakumulu baba ababuta.

Mateyo 6:9

Echo mwebo mulokulomba ati, ‘Banshifwe bakumulu, ishina lyenu lichinshikwe.

Yohane 13:1

Nomba kwashele akasuba kamo kutalafika ukulya kwa Chakulya Chakuchilila. Yesu alishibile ukuti inshita yafika iyakufuma muli nchino chalo nokuya kuli Bawishi. Atemenwe abantu bakwe lonse abali muno chalo. Alibatemenwe ukufikila nakumupwilo.

Yohane 13:3

Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Yohane 14:20

Ulo nkalya kasuba kakwisa, mwakwisa kwishiba ukuti ndi muli Bata namwebo muli nebo ukubati nimfilya nandibo naba muli mwe.

Yohane 16:28

Nafumine kuli Bata, elo nalishile muchalo. Epo nkosha ichalo nokubwelela kuli Bata.”

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Yohane 17:25

Bata, mwe baololoka, abantu bamuchalo tabamwishibapo, kuntu nebo nalimwishiba. Elo naba balishibile ukuti nimwe mwantumine.

Yohane 17:6

“Nalimulondolola ukuti abantu bamwishibe. Bali abenu, kuntu mwabapele kuli nebo. Elo balilamine amashiwi enu.

Yohane 7:33

Nomba Yesu asosele ati, “Nakuba nenu pakanshita kanini bwaka, elo nakubwelela kuli Ye uwantumine.

Imilimo ya batumwa 3:21

Yesu ngu akwikala mumulu ukufikila ulo Lesa akupanga ifintu fyonse ukuba ifyabwangu ukubati nimulya asosele kale ukupitila mubasoseshi bakwe ababuta.

Loma 12:5

Munshila imo yenka, nafwebo fwe bachetekela, nangu tuli abenji, twaba umubili umo muli Klistu. Echo twalikumbinkana pamo ngefilewa ifyamubili umo.

Loma 9:17

Echo Amalembo alabila kuli Falo, imfumu yaku Ijipiti ati, “Nalikubika pabufumu pamulandu wakuti mboneshe ifiso fyanji, nokuti ishina lyanji lishibikwe mpanga yonse.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

Galatiya 3:28

Echo tapapo ubupusano pakati ka Bayuda nabenafyalo, abasha nabali mubwanalale, abalalume nabanakashi, pakuti bonse bali umo muli Klistu Yesu.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Filipi 2:9

Echo Lesa alimusumbwile ukwinekantu, nokumupela ishina ilyachila amashina onse.

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

Hebele 9:24

Pakuti Klistu tayinjilemo Muchifulo Ichabuta ichakulombelamo ichayimakwa nabantu ichikopashanya bwaka nechakumulu. Ye ayinjile kumulu ukwinenene ukuti nomba alokutusoselako kuli Lesa.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 1:5

Mwebachetekela Lesa akomusunga nefiso fyakwe ukuti mukapokelele chipulusho icho Ye akufisulula panshita yakulekelesha.

1 Yohane 3:12

Tatufwilepo ukubati ni Kaini uwakulubali lwakwa Mubi. Ayipeye wakwe Abeli. Nindo Kaini amwipayile? Pantu Kaini alechita ifintu ifibi, elo Abeli alechita ifintu ifiweme.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

Ukufisulula 15:4

Bashikulu, mba ninani ushingamutinapo, nokuchinshika ishina lyenu? Pakuti nimwebo mwenka mwe babuta. Imitundu yakwisa ukuti imulombe pakuti imilimo yenu ililungeme, nabantu bonse balibwene.”

Ukufisulula 19:12

Amenso yakwe yali kubati mafyanga amulilo. Pamutwi alifwite ingala ishinji. Alilembelwepo ishina ilyo tapalipo umuntu nangu umo uwalishiba, kuntu umwine enka.

Ukufisulula 4:8

Ichabumi chonse chakwete amapindo asano na limo ayayiwile namenso konse-konse, mukati nakunse. Akasuba nobushiku fyalikwimba ukwambula ukutusha ati, “Uwabuta, Uwabuta, Uwabuta, Shikulu Lesa Uwafiso fyonse, Uwalipo, Ulipo nakambi Uwakubako.”